Новости за 31.08.2021

En Dënschdeg den Owend war den Tour préliminaire an der Coupe des Dames am Futtball.

E Mëttwoch den Owend um 20.45 Auer spillt d'Lëtzebuerger Futtball-Nationalekipp géint den Aserbaidjan den éischte Match am neie Stadion op der Cloche d'Or.

Lescht Saison hat de Cam Newton ee Kontrakt vun engem Joer bei de "Pats" ënnerschriwwen an hat dëse viru kuerzem verlängert.

Den Hollänner fiert ee perfekte Sprint a setzt géint de Belsch Jordi Meeus an den Italiener Matteo Trentin duerch.

De Ken Diederich huet ee Kontrakt vun engem Joer als "Head of Basketball" ënnerschriwwen.

Vum 2. September un däerfe just nach Leit an de Stadion, déi géint de Covid-19 geimpft oder geheelt sinn.

De 14. September kënnt et um éischte Spilldag vun der Grupp E zur Partie tëschent dem FC Barcelona a Bayern München.

Laang war spekuléiert ginn, wien den Equipiere vum Lewis Hamilton an der neier Saison soll ginn. Sport1 no soll dës Decisioun lo gefall sinn.

Wärend dem Pandemie-Joer 2020 goufen et 31% manner Organtransplantatiounen. Modellberechnungen no wieren dowéinst 48.000 Patiente gestuerwen.

D'Santé huet matgedeelt, datt d'Zuel vun de Leit, déi um oder mam Coronavirus gestuerwe sinn, bei 830 läit.

An den USA goufen zejoert vill méi Haassverbrieche gemellt. Bei den Ugrëff géint d'Afroamerikaner gouf et zum Beispill eng Hausse vu bal 40%.

Wat d'Kooperatioun ugeet, dot missten dem DP-Europadeputéierten no e puer Konditioune fir eng Zesummenaarbecht erfëllt ginn.

Zu Oberstdorf am Allgäu huet d'Police missen agräifen, well eng 79 Joer al Fra eng méi eeler Matbewunnerin ugegraff huet.

De 36 Joer ale Baumert war bis ewell CEO vum House of Entrepreneurship an iwwerhëlt d’Plaz vum Nicolas Henckes bei der CLC den 1. Dezember 2021.

De Lëtzebuerger Jempy Drucker fiert als 106. mat engem Retard vun enger Minutt an 31 Sekonnen iwwert d'Arrivée.

E Mëttwoch de Mëtteg maachen de Premier an d'Gesondheetsministesch de Point vun der aktueller Corona-Situatioun am Land.

E Méindeg géint 21 Auer gouf e Mann vun enger Grupp vu Leit op der Gemengeplaz ugegraff a schwéier blesséiert. Den Täter gouf festgeholl.

E Méindeg hu Bankraiber a Brasilien Geiselen als mënschlech Schutzschëlder un d'Capoten an d'Diecher vun hire Fluchtween gestréckt.

Fir den 28 Joer ale Lëtzebuerger ass et déi éischt Course zanter dem Tour de Suisse an no sengen 2 Operatiounen.

An Éisträich fänkt de 17. September eng Serie u Prozesser ëm Corona-Infektiounen zu Ischgl an Tirol un.

Déi ronn 220 Brécken, déi ënner anerem iwwer Uelzecht, Our, Mamer, Äisch oder Sauer ginn, goufen no den Iwwerschwemmunge kontrolléiert.

E Mëttwoch tranchéiert d'Regierung iwwert den Text vum neie Covid-Restriktiounsgesetz, dat virum 15. September muss an der Chamber gestëmmt ginn.

E Méindeg ass dat sou genannte "Caldor-Fire" a Richtung South Lake Tahoe gezunn. D'Leit sinn opgefuerdert ginn, d'Touristegéigend ze verloossen.

Nodeem et zanter Mäerz eng Rupture de stock fir medezinesche Cannabis gouf, huet d'Regierung via europäesch Ausschreiwung en neie Fournisseur gesicht.

Am Géigenzuch soll zwee Mol d’Woch an de Schoule getest ginn. Dat huet den Educatiounsminister Claude Meisch de Gewerkschafte proposéiert, esou den 100,7.