Бишкекте Абдыкерим Сыдыков эскерилди
Анын жүрүшүндө Сыдыковдун кыргыз мамлекеттүүлүгүн түптөөдөгү салымы боюнча докладдар окулду.
Абдыкерим Сыдыков 1889-жылы Аламүдүн районундагы Баш-Кара-Суу айылында туулган. 1904-1911-жылдары Верный (азыркы Алматы) шаарындагы гимназияда билим алган.
Ал Тоолуу-Кыргыз облусун түзүү боюнча уюштуруу комитетинин төрагасы болуп, ошол кездеги мамлекеттик ишмерлердин сап башында турган.
Абдыкерим Сыдыков жалган жалаага жабылып, 1938-жылы 18-февралда 49 жашында атылып кеткен. (BKA)