Си Цзинпиндин китеби кыргыз тилинде басылды
Кытай Эл Республикасынын төрагасы Си Цзинпиндин “Мамлекеттик башкаруу жөнүндө” китеби кыргызча басылып, 8-июнда Бишкекте бет ачары болду.
Бетачарга катышкан президент Сооронбай Жээнбеков "Си Цзинпиндин китеби - дүйнөдөгү окурмандар үчүн Кытайдын мамлекеттик саясатын тереңирээк түшүнүүгө болгон көпүрө", - деди.
Жээнбеков Кытайды Кыргызстандын жакын досу экенин айтып, бир жумадан кийин Си Цзинпин мамлекеттик сапар менен келерин кошумчалады.
Бет ачар аземине экс-президент Роза Отунбаева, мурдагы өкмөт башчы Жоомарт Оторбаев жана башка саясатчылар да катышты.