Новости за 21.11.2025

Мексикалык Фатима Бош Фернандес жума күнү Бангкокто өткөн "Аалам сулуусу" сынагында баш байгени жеңип, таажы кийди. Быйыл Боштун жеңиши өзгөчө мааниге ээ болду. Анткени 25 жаштагы Фатима сынак маалында алып баруучунун кемсинтүүсүнө туш болгон. Анын орой сөзүнө чыдабай Мексиканын сулуусу сахнадан басып кеткен. Ага тилектештик билдирип, сынактын бир нече катышуучусу, анын ичинде Даниянын сулуусу да кошо чыгып кетишкен. "Аалам сулуусу" уюмунун президенти, мексикалык ишкер Рауль Роча Канту атайын билдирүү таратып... Читать дальше...

Кыргызстанда такси лицензиясын текшере баштоо мөөнөтү келерки жылдын 1-февралына калтырылды. Бул тууралуу 21-ноябрда Ички иштер министрлигинин (ИИМ) Жол кыймылынын коопсуздугун камсыздоо башкы башкармалыгынын (ЖКККББ) басма сөз кызматы билдирди. Такси айдоочуларынан лицензия алууда узакка созулган кезек жаралып, белгиленген мөөнөткө үлгүрбөй жатканы тууралуу кайрылуулар келип түшкөнүн белгилеген мекеме ошону эске алып, башкармалыктын башчысы алар менен жеринде жолукканын маалымдады. "Азенбек Козукеев... Читать дальше...

Судьялар кеңеши 17 жаштагы Айсулуу Мукашеваны мыкаачылык менен өлтүрүүгө шектүү Кумарбек Абдыровдун буга чейинки кылмыш жазасын жеңилдеткен Бишкек шаардык сотунун мурдагы үч судьясын кылмыш жоопкерчиликке тартууга макулдук берди.

Кыргызстандын Судьялар кеңеши 21-ноябрда Бишкек шаардык сотунун Б.С.И., Ж.М. жана А.К.К. аттуу мурдагы судьяларын кылмыш жоопкерчилигине тартууга уруксат берди. Мындай сунушту кеңешке башкы прокурор Максат Асаналиев берген. Анда башкы прокурор аталган экс-судьяларга карата Кылмыш кодексинин "Коррупция", "Пара алуу", "Пара берүү", "Сот адилеттигине жатпаган өкүмдү же башка соттук актыны чыгаруу" сыяктуу беренелеринде каралган кылмыштын белгилерин негиз кылып, жоопко тартууга уруксат берүүнү суранган. Читать дальше...

Кыргызстандыктарды чет өлкөлөрдө жумушка уруксат кагазы жок, мыйзам талаптарын бузуу менен орноштуруп жүргөн беш агенттик аныкталганын Бишкек шаардык Ички иштер башкармалыгынын Экстремизмге жана мыйзамсыз миграцияга каршы аракеттенүү кызматы 21-ноябрда кабарлады. Мекеменин маалыматына караганда, Эмгек, социалдык камсыздоо жана миграция министрлиги менен биргеликте өлкөдөн тышкары ишке орноштуруу кызматын мыйзамсыз көрсөткөн жеке агенттиктерди аныктоо боюнча профилактикалык иш-чаралар өттү, 55 миң сом өлчөмүндө айып салынды. Читать дальше...

Казакстанда Атомдук энергия боюнча агенттиктин төрагасы Алмасадам Саткалиев 20-ноябрда билдиргендей, өлкөнүн биринчи атомдук электростанциясынын пайдубалы 2029-жылы куюлушу күтүлөт. Ага чейин курулушка даярдык жүрөт. Анын айтымында, “Росатом” алдын ала иштерди ийгиликтүү жүргүзүп жатат. Гидрологиялык, гидротехникалык, инженердик анализдер жана аймактын топографиялык изилдөөсү жүргүзүлдү. «Жалпысынан иш графикке шайкеш жүрүүдө. Атом тармагынын адистери бул этапты "алгачкы бетон" деп аташат… Биз анын 2029-жылы куюлушун күтүүдөбүз»... Читать дальше...

Жума күнү Бангладеште күчү 5,7 баллга жеткен жер титирөөдөн кеминде беш адамдын өмүрү үзүлүп, жүзгө жакын киши жаракат алды. Расмий маалыматка караганда, зилзала өлкөнүн көп аймактарына, анын ичинде калкы жыш жайгашкан борбор калаа Даккага да зыян келтирди. Жердин титирегени Бангладеш менен чектеш Индиянын чыгыш аймактарында да сезилгени кабарланды. Убактылуу өкмөттүн башчысы Мухаммад Юнус жаракат алгандардын арасында Дакка университетинин студенттери, Газипурдагы фабрика жумушчулары жана жер титирөөнүн... Читать дальше...

Мамлекеттик салык кызматы быйыл 15-марттан 15-августка чейинки убакыт аралыгында “Дордой” соода-базар комплексинде "Базар" маалыматтык системасын пилоттук негизде иштетип көрдү. Анын негизинде соңку 10 айда 727 млн сомдон ашык салык жыйналды. Бул тууралуу Салык кызматы билдирди. Базардын администрациясы өзү салык агенти болуп, ишкерлердин салыктык милдеттенмелерин жана камсыздандыруу төлөмдөрүн эсепке алуу, көзөмөлдөө милдетин аткарган. Салык кодексине кирген өзгөртүүлөрдө каралган мындай жаңы ыкма салык салуу процессин ачык... Читать дальше...

Кой-Таш иши боюнча соттолгон саясатчылар Равшан Жээнбеков, Фарид Ниязов жана Фархад Баабиев Бишкектеги №1 тергөө абагынан жазасын өтөө үчүн Чүйдүн Молдовановка айылындагы №27 абакка которулду. Бул маалыматты Жаза аткаруу кызматынын басма сөз кызматы "Азаттыкка" ырастады. Ушул эле топ менен 20-ноябрда саясатчы Ирина Карамушкина Степное айылындагы аялдар абагына которулду. Мунун алдында Кой-Таш иши боюнча соттолгондор колонияга которулганын "Социал-демократтар" партиясынын лидерлеринин бири Кадырбек Атамбаев билдирген. Читать дальше...

Академик, адабиятчы, коомдук ишмер Абдыганы Эркебаевдин "Бар бол Адабият" аттуу китеби жарык көрдү. Автор китепте азыркы кыргыз адабиятын илимий-теориялык негизде талдаган. Улуттук адабияттын өнүгүү тенденцияларына, актуалдуу маселелерине токтолгон. Буга чейин китепке кирген макалалар түрмөгү “Кыргыз Туусу” гезитинин жети санына жарыяланган. Китептин бет ачары Алыкул Осмонов атындагы Улуттук китепканада өттү. "Кыргыз Туусунун" жамааты уюштурган бул иш-чарага кыргыз интеллигенциясынын бир катар өкүлдөрү катышты. Читать дальше...

Кылмыш-жаза кодексине жана Кылмыш-жаза процессуалдык кодексине өзгөртүү кирди. Президент кол койгон мыйзам "Эркин-Тоо" гезитинин 21-ноябрдагы санына жарыяланды. Кылмыш-жаза кодексинин 97-беренесине кирген өзгөртүүгө ылайык, эми 16 жаштан 18 жашка чейинки өспүрүм биринчи жолу мыйзам бузса, оор эмес кылмыш жасаса, аны толук мойнуна алса жана ал мындан мурун сот жообуна тартылбаган болсо, анда ага карата соттук териштирүү жүрбөйт. Анын ордуна өспүрүм атайын программага катышып, анда көрсөтүлгөн милдеттерди аткарып... Читать дальше...

Президент Садыр Жапаров кытай жарандары Кыргызстанга чоң долбоорлордун курулушу үчүн келип жатышканын айтып, элди түшүнүү менен кабыл алууга чакырды. Бул тууралуу мамлекет башчы Бишкекте "Алтай" шаарчасынын курулушунун башталыш аземине катышкандан кийин билдирди. Чогулган элдин азыноолак суроосуна жооп берген Жапаров кытай жарандары өлкөдө завод, темир жол, жол куруп жатканын айтты: "Кокуй эле кокуй, кытай басып кетти" дешет. Алар "басып алайын" деп келишкен жок. Заводдорду, жолдорду, темир жолдорду куруп жатышат. Читать дальше...

Кылмыш-жаза кодексинин "Кылмыштуу кирешелерди легалдаштыруу (адалдоо)" жана "Кылмыштуу коомдоштукту түзүү же ага катышуу" беренелеринде каралган кылмыштар жасалган учурда эскирүү мөөнөтүн колдонбоо сунушталууда. Муну менен Президенттик администрация уюшкан кылмыштуулукка каршы күрөшүү максатында Кылмыш-жаза кодексине өзгөртүүлөрдү киргизүүнү сунуштап, ал коомдук талкууга чыгарылды. Документте акыркы жылдары коррупцияны, баңги заттарын сатууну, аткезчиликти, опузалоону жана туруктуу кылмыштуу топтор... Читать дальше...

Кыргызгидромет кызматы билдиргендей, 21-ноябрда жаан-чачын болбойт. Батыштан соккон шамалдын ылдамдыгы секундасына 4-9 метрге жетиши күтүлөт. Абанын температурасы: Чүй өрөөнүндө түнкүсүн -3…+2, күндүз 11…16; Талас өрөөнүндө түнкүсүн -3…+2, күндүз 11…16; Баткен, Ош, Жалал-Абад облустарында түнкүсүн -2…+3, күндүз 13…18; Ысык-Көл облусунда -3…+2, күндүз 5…10; Нарын облусунда түнкүсүн -7…-12, күндүз 5…10 градус жылуу болот. Бишкек шаарында жаан-чачын болбойт. Батыштан соккон шамалдын ылдамдыгы секундасына 4-9 метрге жетет. Читать дальше...

Ош облусунун Ноокат районунун акими болуп Данияр Шейшеканов дайындалды. Бул тууралуу президенттин Ош облусундагы ыйгарым өкүлчүлүгүнөн кабарлашты. Маалыматка ылайык, 43 жаштагы Шейшеканов буга чейин Президенттик администрациянын сот жана прокуратура органдары менен иштөө секторунун башчысы болуп эмгектенген. Ага чейин узак жылдар өкмөт жана президенттик аппаратта, Курулуш жана архитектура агенттигинде иштеген. Ноокат районунун буга чейинки акими Эмил Чакибаев октябрь айында коррупцияга шектелип кармалып, кызматтан бошотулган. Читать дальше...

Быйыл “Айыл чарбасын каржылоо–13” долбоорунун алкагында Кыргызстанда 6 487 чарбага 4 млрд 92 млн сомдон ашык жеңилдетилген насыя берилди. Бул тууралуу Суу ресурстары, айыл чарба жана кайра иштетүү өнөр жайы министрлигинин басма сөз кызматы билдирди. Насыянын дээрлик жарымы мал чарбачылыгына, калган бөлүгү өсүмдүк өстүрүүгө, суу үнөмдөөчү технологияларга жана лизингге техника, жабдуу алууга берилген. Мыйзамга ылайык, аталган багыттагы насыяларды “Айыл банк” менен “Элдик банк” мамлекеттик банктары берди. Читать дальше...

Улуттук коопсуздук боюнча мамлекеттик комитет (УКМК) билим берүү системасындагы коррупцияга каршы күрөшүүнүн алкагында Исхак Раззаков атындагы Кыргыз мамлекеттик техникалык университетинин (КМТУ) айрым окутуучулары студенттерге чет элдик жогорку окуу жайлардын жасалма академиялык маалымкатын жана транскриптин берип, ошонун негизинде болжол менен 200 студент бул окуу жайга мыйзамсыз которулганы козголгон кылмыш ишинин алкагында аныкталганын билдирди. Маалыматта айтылгандай, ыкчам-тергөө иштеринин жыйынтыгында окуу жайдын доценти Ш.А. кармалып... Читать дальше...

Кыргызстандын Судьялар кеңеши 21-ноябрда Бишкек шаардык сотунун Б.С.И., Ж.М. жана А.К.К. аттуу мурдагы судьяларын кылмыш жоопкерчилигине тартууга ураксат берүү маселесин карап жатат. Мындай сунушту Судьялар кеңешине башкы прокурор берген. Судьялар кеңешинин сайтындагы бул тууралуу маалыматта келтирилген үч адамдын ысымы буга чейин 17 жаштагы Айсулуу Мукашеваны өлтүрүүгө шектүүнүн мурдагы кылмыштары үчүн жазасын жеңилдеткен деп социалдык тармактарда аты аталган үч судьянын (Кайсын Абакиров, Жаңыл... Читать дальше...

Орусиялык журналист Ника Новак Жон Обушондун басма сөз эркиндиги сыйлыгын алды. Сыйлыкты АКШнын Улуттук пресс-клубу 1991-жылдан бери ыйгарып келатат. Басма сөз эркиндиги үчүн сыйлыгы АКШнын Глобалдык медиа боюнча агенттиги (USAGM) менен кызматташкан жана ар кайсыл өлкөдө абакта отурган жалпысынан тогуз журналистке ыйгарылды. Орусияда “чет элдик уюм менен кызматташкан” деген айып менен төрт жылга эркинен ажыратылган журналист Ника Новак Иркутск облусундагы абакта оор шартта кармалууда. Ал "Свобода"... Читать дальше...

Орусиянын Мамлекеттик Думасы жалпы жыйынында медициналык камсыздандыруу системасын жакшыртууга багытталган мыйзам кабыл алганы аталган мекеменин расмий сайтында жазылды. Мамдуманын төрагасы Вячеслав Володин бул тууралуу өзүнүн MAX телеграм каналында жазып, милдетүү медициналык камсыздандыруу полисин алуу шарттары эми мигранттар үчүн кыйындаганын билдирди. "Эми биздин өлкөдө бекер медициналык кызмат алуу үчүн чет элдик жарандар Орусияда кем дегенде беш жыл легалдуу иштеши керек болот. Шашылыш медициналык... Читать дальше...

Кыргызстандын сурдо дзюдо боюнча курама командасы Жапониянын борбору Токио шаарында өтүп жаткан XXV Жайкы сурдлимпиада оюндарынан 20-ноябрда кайтып келишти. Дене тарбия жана спорт мамлекеттик агенттиги кабарлагандай, спортчуларды “Манас” эл аралык аэропортунан спорт тармагындагы дирекциялардын жетекчилери, спортчулардын үй-бүлөсү, жакындары тосуп алышты. Аталган курама команданын катарында дзюдодон 60 килограммга чейинки салмакта Сурдлимпиаданын коло байгесине ээ болгон Байсалбек Орозали бар. Ал... Читать дальше...

Сейсмология институтунун маалыматына караганда, 20-ноябрда саат 18:35те Кыргызстандын аймагында 3,5 баллды түзгөн жер титирөө катталды. Анын очогу Чүйдүн Сары-Булак айылынан түштүк-чыгышты карай 13 чакырым, Табылгы айылынан түштүк-батышты көздөй 19 чакырым, Казармандан 30 чакырым аралыкта Көк-Ирим тоолору тарапта болгон. Сары-Булак, Табылгы, Көл айылдарында жер титирөөнүн күчү 2,5 баллды түздү. Ушуну менен бул аптада төртүнчү жолу жер силкинди. 18-ноябрда саат 05:56да Нарын облусунда күчү 4 балл болгон жер титирөө катталды. Читать дальше...