Новости за 14.11.2022

Түркиянын Стамбул шаарындагы жардырууга шектүү катары бир киши кармалды. Бул тууралуу “Анадолу” мамлекеттик агенттиги кабарлады. Өлкөнүн ички иштер министри Сулейман Сойлу “бомбаны калтырып кеткен киши камакка алынганын" билдирген. Түрк бийлиги жардырууну теракт катары иликтеп жатат. Стамбулдун борбордук бөлүгүндөгү Истиклал көчөсүндө болгон жардыруудан алты киши каза таап, жараат алгандардын саны 80ден ашты. Жардыруу 13-ноябрда жергиликтүү убакыт боюнча саат 16:20 чамасында Таксим борбордук аянтына жакын жерде болгон. Читать дальше...

2023-жылы Орусиянын Агартуу министрлиги Кыргызстандагы мектептерге 150 мугалим жөнөтүүгө ниеттенүүдө. Бул быйылкыдан дээрлик он эсе көп. Мындай маалыматты Кыргызстандын Билим берүү жана илим министрлиги "Азаттыкка" ырастап, бул боюнча толук чечим чыга электигин, азыр каржы маселеси каралып жатканын билдирди. Маалыматка караганда, "Орусиялык мугалимдер чет өлкөлөрдө" долбоорунун алкагында 2022-жылы сентябрда 17 мугалим Кыргызстандагы мектептерде иштей баштаган. "2022-жылдын 1-ноябрына карата ушул... Читать дальше...

Бишкекте өткөн самбо боюнча Дүйнө чемпионатында кыргызстандык Бектен Эркебай уулу коло байгенин ээси болду. Дене тарбия жана спорт департаментинин маалыматына караганда, Эркебай уулу 13-ноябрда акыркы мелдеш күнү күжүрмөн самбодон 88 килограмм салмакта күч сынашып, үч беттеш өткөргөн. Ал марокколук жана египеттик атаандаштарын жеңип, беларустук спортчуга утулуп, 3-орунду ээледи. Бектен Эркебай уулунун коло байгесин кошкондо кыргызстандык спортчулар 11-13-ноябрь күндөрү “Газпром-балдарга” ден... Читать дальше...

Ички иштер министрлиги (ИИМ) күзөт кызматынын кызматкерлеринин айлык акысына байланыштуу маселени карап жатат. Бул тууралуу аталган мекеменин басма сөз кызматы "Азаттыкта" билдиришкендей, Күзөт кызматы министрликтеги өзүн өзү каржылоочу бөлүм болгондуктан, алар кайтаруучу мекеме-ишканалар менен жылдык келишим алдын ала түзүлөт. Мындан айлык акы жана башка чыгашалар эсептелет. "Ушундан улам Күзөт кызматынын кызматкерлеринин айлык акысынын үстөгү (надбавка) көбөйгөн жок. Учурда бул маселенин үстүндө иштеп жатабыз. Читать дальше...

Ноокат райондук милициясы 10-14-ноябрда "Өспүрүм-эмгек" деген аталышта атайын рейд өткөрүп, райондун аймагындагы соода борборлорду, базарларды, унаа жуучу жайларды жана курулуштарды текшерген. Натыйжада 10 өспүрүм жашы жете электигине карабай оор жумушта иштеп жатканы аныкталган. Бул тууралуу Ош облустук ички иштер башкармалыгынын басма сөз кызматы билдирди. "Алты баланын ата-энесине "Балдардын саламаттыгына, психикасына, интеллектуалдык жана адеп-ахлактык өнүгүүсүнө зыян келтирүү" беренеси менен 1000 сомдон айып пул салынды. Читать дальше...

Кыргызстандын Юстиция министрлиги президенттин администрациясы иштеп чыккан “Жалпыга маалымдоо каражаттары жөнүндө” мыйзамдын долбооруна терс корутунду берди. Бул тууралуу маалыматты аталган министрлик "Азаттыкка" ырастады. Документ айрым экспертизалардан өткөн эмес. Министрлик эксперттер мыйзам долбоордун кайсы бөлүгүнө макул болбогонун тактаган жок. Буга чейин Кыргызстандагы маалымат каражаттарынын негиздөөчүлөрү жана башкы редакторлору президентке, Жогорку Кеңешке, Улуттук коопсуздук боюнча мамлекеттик комитеттин (УКМК) төрагасына... Читать дальше...

14-ноябрда Бүткүл дүйнөлүк кант диабети менен күрөшүү күнүнө карата дартты аныктоо боюнча жер-жерлерде атайын акциялар өтүүдө. Борбор калаадагы  "Бишкек Парк" соода борборунда "Кандагы кантыңды билип ал!" деген акция башталды. Каалоочулар 14-15-ноябрда саат 10:00дөн 13:00гө чейин канындагы глюкозанын деңгээлин бекер текшертип кетсе болот. Ушундай эле акция өлкөнүн башка шаарларында дагы өтүп жатат. Ден соолукту чыңдоо жана массалык коммуникация борборунун маалыматы боюнча, Кыргызстанда кант... Читать дальше...

“Kумтөр Голд Компани” мамлекеттик ишканасындагы коррупцияга байланыштуу камалган “Улуу көчмөндөр мурасы” улуттук холдингинин башчысы Тенгиз Бөлтүрүк 10-январга чейин камакта калды. Мындай чечимди 4-ноябрда Октябрь райондук соту чыгарганын Жогорку соттун басма сөз кызматы "Азаттыкка" ырастады. Башкы прокуратура 13-сентябрда Тенгиз Бөлтүрүк “Кумтөрдөгү” коррупцияга байланыштуу камалганын билдирген. Аны менен кошо жабдуу боюнча адис Айша-Гүл Фронтбек кызы Жаналиева, каржы башкармалыгынын директору Рыспек Токтогулов да кармалган. Читать дальше...

14-ноябрда таңкы саат 04:07де Баткен облусунун Лейлек районунда жер титирөө катталды. Сейсмология институтунун маалыматына ылайык, силкинүүнүн күчү райондогу Ак-Суу, Коммуна айылдарында 3 балл, Жеңиш, Искра, Андарак, Таш-Булак айылдарында жана Раззаков шаарында 2,5 баллга чейин сезилген. Жер титирөөдөн жабыркагандар жана кыйроолор катталган жок. Акыркы айларда күчү 3,5 баллга чейин жеткен жер титирөөлөр Ысык-Көлдө, Ош облусунун, Жалал-Абаддын бир катар аймактарында катталган.(ZKo)

13-ноябрда Түркиянын Стамбул шаарындагы эл көп жүргөн Истиклал көчөсүндө болгон жардыруудан жабыркагандар жана набыт болгондор арасында Кыргызстандын жарандары жок. Бул тууралуу Стамбулдагы Кыргызстандын консулдугунан маалымдашты. Дипломатиялык мекеме түрк бийлиги менен байланышта экенин билдирүүдө. 13-ноябрда саат 16:20 чамасында Стамбул шаарындагы Таксим борбордук аянтына жакын жерде жардыруу болгон. Андан кеминде алты киши каза тапты. Жараат алгандар саны 81ге жеткенин өлкөнүн вице-президенти Фуат Октай маалымдады. Читать дальше...