Новости за 30.08.2020

30-августта Беларустун баш калаасы Минскиде жана башка шаарларда авторитардык лидер Александр Лукашенконун кызматтан кетишин талап кылып он миңдеген адам нааразылык акциясына чыкты. Баш калаанын Эгемендик аянтынан жүздөн ашуун кишини полиция кармап кетти. Орусиянын «Риа Новости» мамлекеттик агенттиги резиденциясында автомат кармап, ары-бери басып жүргөн Лукашенконун сүрөтүн жарыялады. Бирок сүрөт качан тартылганы белгисиз. Жүрүштүн алдында Ички иштер министрлиги жарандарга уруксатсыз митингге чыкпоону эскертип... Читать дальше...

Нью-Йорк шаарынын тургундары коронавирус пандемиясынан улам шаар четине жапырт көчүп жатышат. "The New York Times" басылмасы жазгандай, калаа тургундары көбүнчө Лонг Айленд, Вестчестер жана Нью-Жерсиден жер там сатып алышууда.   Басылма кыймылсыз мүлк агенттиктерине таянып, Нью-Йорктун жака белиндеги үйлөрдүн сатылышы пандемияга чейинкиге салыштырмалуу 44% өскөнүн жазды.  Нью-Йорк - АКШдагы коронавирустан эң катуу жабыркаган шаарлардын бири. Маалым болгондой, калаада 238 миңден көп киши бул илдетке чалдыгып... Читать дальше...

Нарын облусунун Жумгал райондук милициясы 28-августтагы курал колдонулган жаңжалдын чоо-жайын иликтеп жатат. Факт Кылмыштардын жана жоруктарын бирдиктүү реестрине катталып, сотко чейинки териштирүү башталды. Облустук ички иштер башкармалыгынын басма сөз кызматы “Азаттыкка” билдиргендей, милицияга Чүй облусунун тургуну арыз жазып, белгисиз кишилер ага кол салганын айткан. Баштапкы маалыматка ылайык, ал “Хово” үлгүсүндөгү жүк ташуучу автоунаасы менен Балыкчыны көздөй көмүр алып келатканда Чаек... Читать дальше...

Борбордук шайлоо комиссиясынын (БШК) жумушчу тобу ырчы Бек Борбиев аткарган чыгармада шайлоого үгүттөөнүн элементтери бар экенин айтып, административдик чара көрүүнү сунуш кылды. Бул маалыматты БШКнын мүчөсү Абдыжапар Бекматов бышыктап, азырынча чечим чыга электигин билдирди. Борбиев августтун соңкү күндөрү “Мекеним Кыргызстан” деп аталган ыр чыгарган. Ырдын видео клибинде 4-октябрдагы парламенттик шайлоого катышууга камынган “Мекеним Кыргызстан” саясий партиясынын эн белгиси бир канча жолу көрсөтүлөт. Читать дальше...

Берлин менен Лондондо өкмөттүн коронавирустун жайылышын ооздуктоо максатында киргизген карантин чараларына каршы акцияга миңдеген адам чыкты.  29-августта Берлинде өткөн жүрүшкө 38 миңден көп адам чыкты. Лондондун Трафальгар аянтында уюштурулган «Эркиндик үчүн биригели» акциясына миңдеген киши топтолду. Алардын арасында вакцинага каршы чыккандар жана коронавируска такыр ишенбегендер да болду. Ал эми көпчүлүгүн ашынган оңчулдар түздү.  Берлиндеги акция маалында 300дөй киши кармалды. Жүрүшкө чыккандар тартип коргоочуларды көздөй таш... Читать дальше...

Мамлекет башчы Сооронбай Жээнбеков 29-августта "Биринчи радиодогу" маегинде аймактарда жаңы жумушчу орундарды түзө турган абдан чоң потенциал бар экенин айткан.

Беларуста "Тынчтык жана эгемендик жүрүшү" өтүүдө. Демонстранттар президент Александр Лукашенконун кызматтан кетишин, жаңы шайлоо өткөрүлүшүн талап кылышууда. Ички иштер министрлиги митингде жүздөн ашык адам кармалганын кабарлады.

Аял лидерлер вирусту оңой ооздуктоодо. Кыргызстанда жумушсуздар көбөйдү. Дарыгерлерге тоскоол болгон социалдык медиа. Дүйнөлүк басма сөзгө баяндаманы сунуш кылабыз.

Кум үстүндөгү футбол боюнча мелдеш 27-августта башталып, өлкө боюнча жалпысынан 8 команда ат салышкан.

Монтенегродо парламенттик шайлоо өтүп жатат. Күндүзгү саат бирге чейин шайлоого укуктуу жарандардын 51,5% добуш бергени маалым болду.  Бул 2006-жылы Сербиядан бөлүнүп, өз алдынчалыкка жеткенден бери Монтенегродо өткөрүлүп жаткан 11-парламенттик шайлоо.   Добуш берүүнүн жүрүшүнө эки миңден ашуун жергиликтүү жана чет элдик байкоочулар көз салып жатышат.  Президент Мило Жуканович баш калаа Подгорицада добуш бергенден кийин калктын «көпчүлүгү мамлекеттин Европага ыктаган келечегин тандайт» деген ишеничте экенин айтты. Читать дальше...

Минскинин борборундагы Эгемендик аянты курчоого алынып, милициянын атайын техникалары турат.  Колонналардын бирин ОМОНдун аскерлери кууп таратууга аракет кылышканы, бирок катышуучулар милиция кеткенден кийин жүрүштү улантышканын "Азаттыктын" беларус кызматы маалымдады. Ошондой эле жүрүштүн кээ бир катышуучулары кармалганы кабарланууда. Аянттан тышкары Ата мекендик согуш музейинин айланасы да темир кашаалар менен курчалган. Ал жердеги аскерлердин колунда куралдары бар. Беларус бийлиги журналисттерди... Читать дальше...

Өзү каалаган адамга турмушка чыккысы келген кызын өлтүрүп салган кишини Ирандагы Гилян провинциясынын соту "Намыс үчүн киши өлтүрүү" беренеси менен соттоп, тогуз жылга эркинен ажыратты. Бул тууралуу ILNA агенттиги маалымдап, кыздын энеси сот чечимине макул эместигин кабарлады. Маалымат агенттиги кыздын энеси Рана Даштинин: «Соттор бул ишке өзгөчө маани берилерин айтышкан эле. Бирок чечим мени жана үй-бүлөмдү коркунучтуу абалга кептеди. Мен эми башка балдарым үчүн корко баштадым", - деп айтканын жазды. Читать дальше...

«Кыргызстанда инклюзивдик билим берүүнү өнүктүрүү» долбоорунун колдоосу менен облустагы 22 орто мектепте "Илимбокс" санариптик китепканасы орнотулду. Китепканада кыргыз, орус жана англис тилдеринде адабияттарды тапса болот жана аларды Интернет байланышы жок эле колдонууга мүмкүн. Окуучулар англис тили, математика, геометрия, тарых, физика, химия, көркөм өнөр жана программалоо боюнча видео лекцияларды англис тилинде көрө алышат. Балдардын билимин текшерүү үчүн тесттер да камтылган. Ошондой эле кыргыз жана орус тилдеринде санариптик китептер... Читать дальше...

2020-жылдын эсебинен Бишкек шаарында алгачкы веложарыш өттү. Адатта мындай иш-чаралар жазында болчу, бирок пандемияга ага жол берген эмес. Велосүйүүчүлөрдүн колоннасы үчүн жолдон атайын тилке бөлүнүп, аларды Тез жардам жана Кайгуул кызматы коштоп жүргөн.

31-августта Ысык-Көл, Нарын облустарынын кээ бир райондорунда өткүн өтүп, күн күркүрөйт, бийик тоолуу райондордо карга айланат, калган аймактарда жамгыр жаабайт. Күндүз Талас, Баткен облустарынын көпчүлүк аймактарында, Чүй, Ош, Жалал-Абад, Нарын облустарынын кээ бир райондорунда, Ысык-Көл облусунун тоолуу райондорунда жаан жаайт, тоолуу райондордо карга айланат. Батыштан соккон шамалдын ылдамдыгы секундасына 4-9 метрден, күндүз кээ бир райондордо 15-20 метрге жетет. Абанын температурасы: Нарын облусунда түнкүсүн 4...9... Читать дальше...

Минск шаарынын чок ортосундагы Эгемендик аянты полициянын курчоосуна алынып, автозактар жана суу бүрккүч техника алынып келди. Аянтта бүгүн, 30-августта "Тынчтык жана эгемендик жүрүшү" болору кабарланган. Эгемендик аянтында 9-августтан бери президенттик шайлоонун жыйынтыгына нааразылык акциялары токтобой уланууда. Шайлоодо учурдагы президент Александр Лукашенко 80% ашуун добуш менен утуп чыкканы расмий кабарланган. Оппозиция буга каршы чыккан. Өлкөнүн бир катар шаарларында жапырт нааразылык акциялары башталган. Читать дальше...

Соодалашкан эки команданын тең Мессинин "Манчестер Сити" клубуна өтөрүнө ишеним артып жатканы белгиленди.

Кыргызстанда ВИЧ илдетин ооруканалардан жугузуп алгандарга акчалай кенемте төлөп берүүнү караган мыйзам 2022-жылдын 1-мартынан тартып күчүнө кирет.

Борбордук шайлоо комиссиясынын 29-августтагы чечими менен "Өнүгүү - Прогресс" партиясынын парламенттеги депутаты Абулкайр Узакбаевдин жана "Кыргызстан" партиясынын депутаты Кубанычбек Нурматовдун депутаттык ыйгарым укуктары мөөнөтүнөн мурда токтотулду. "Өнүгүү - Прогресс" партиясынын депутаттык мандаты тизмедеги кийинки талапкер Уланбек Исмаиловго берилди. Ал эми "Кыргызстан" саясий партиясынын мандаты талапкер Улугбек Садиковго берилди. Жаңыдан катталган депутаттарга Жогорку Кеңештин депутатынын күбөлүгү жана төш белгилери тапшырылды. Читать дальше...

Спорт комитети өлкөнүн спорт тармагындагы коррупциялык көрүнүштөр менен күрөшө турганын жар салып, ал үчүн кыргызстандыктардан жардам сурады.

Келишим бир жылдык мөөнөткө түзүлгөн. Трансфердин суммасы, футболчунун ала турган маянасы тууралуу маалыматтар айтылган эмес.

АКШдагы Хопкинс университетинин маалыматына караганда, 30-августка карата жалпы дүйнө жүзүндө COVID-19 вирусуна чалдыккандардын саны 25 миллион адамдан ашты. Буга Индияда акыркы суткада оору жуктургандардын саны рекоррдук чектен ашып, 78 761 адам жаңы катталганы негиз берди. Индия оору жуктургандарын саны жагынан үчүнчү орунда турат. Биринчи орунда АКШ, андан кийин Бразилия. Америкада коронавируска чалдыккан адамдардын саны 6 миллион 139 миңден ашты. 3,4 миллион адам оорудан айыкты. 186 миңден ашуун адам илдеттен көз жумду. Читать дальше...

Коронавирус пандемиясынан улам киргизилген карантиндик чектөөлөргө каршы нааразылык акциясына отуз миңден ашуун адам катышты. Митингчилер полициянын каршылыгына карабай, шаардын борборун аралап, жүрүш жасашты. Бул тууралуу BBC маалымдады. Башында полиция митингге уруксат бербөөгө аракет кылган. Бирок Берлин соту 28-августта тыюуну алып салган. 29-августтагы акциянын башында беткапсыз жүргөндөрдүн көптүгүнөн жана аралык сакталбаганынан улам полиция жүрүшкө тыюу салган. Ага карабай демонстранттар борбордук көчөлөрдө жүрүш жасашты. Читать дальше...

Акыркы бир сутка ичинде Кыргызстанда COVID-19 U07.1 жана U07.2 илдети лабораториялык жактан тастыкталган 108 учур жаңыдан катталды. Анын ичинен басымдуу бөлүгү Жалал-Абад облусунда - 33 адам вируска чалдыкты. Бишкек шаарында - 17; Ош шаарында – 2; Чүй облусунда – 11; Ош облусунда – 12; Талас облусунда - 6; Нарын облусунда – 1; Ысык-Көл облусунда – 10; Баткен облусунда - 16. Ушуну менен жалпы пандемия башталгандан берки убакта коронавируска чалдыккандардын саны 43 820 адамга жетти. Читать дальше...

"Эже-сиңдилер" берүүсүндө кыз-келиндердин кийимине кийлигишүүнүн себептери тууралуу баарлаштык. Чечинип эмес, чүмкөнсө да эмне үчүн аялзаты сындан арылбайт?