Новости за 16.06.2020

Коронавирус пандемиясы жана аба каттамдарынын токтотулганына байланыштуу Түркиядагы чет өлкөлүк жарандардын визасы же туруктуу жашоо үчүн уруксаты мөөнөтүнөн өтүп кеткен болсо, өз өлкөсүнө туруктуу аба каттамдар кайрадан башталганда Түркиянын аймагынан бир ай ичинде чыгып кетиши керек. Бул тууралуу Анкарадагы элчилик маалымдады.  Ал эми виза эрежесин бузган чет өлкөлүктөр Түркиядан чыгып жатканда ири өлчөмдө айыппул төлөөгө мажбур болушат. Буга чейин Түркиянын Транспорт министрлиги 22-июндан... Читать дальше...

16-июнда Кыргызстандын Тышкы иштер министрлигинде Тажикстандын атайын жана ыйгарым укуктуу элчиси Назирмад Ализода менен жолугушуу болду. Бул тууралуу Кыргызстандын Тышкы иштер министрлиги маалымдады. Коңшу мамлекеттин элчиси менен Кыргызстандын Тышкы иштер министрлигинин өкүлдөрү жакынкы аралыкта эки мамлекеттин жогорку деңгээлдеги жолугушууларын уюштуруу боюнча пикир алмашты. Эки тарап макулдаша турган документтердин долбоорун сапаттуу даярдоо керектигин белгилешти. Тараптар эки мамлекет чектешкен... Читать дальше...

Бишкек мэриясы шаардагы балдар үчүн батут, ижарага велосипед берүү жана жайма базарларга убактылуу тыюу салды. Баш калаанын бийлиги муну санитардык коопсуздук чаралары деп түшүндүрдү. Бул тууралуу мэриянын сайтында жарыяланды. Мэрия эрежени бузгандар жоопкерчиликке тартыларын эскертет. Кыргызстанда акыркы күндөрү коронавирус жуктуруп катталгандар көбөйүүдө. 14-июнда 78 адамдан табылса, 15-июнда 87 адамга чыккан. 16-июнда коронавирус жуктуруп алган 100 адам жаңы аныкталды. Бул пандемия башталгандан берки эң жогорку көрсөткүч. Читать дальше...

Биринчи май райондук сотунда каралып жаткан "Батукаев иши" боюнча соттук териштирүү тараптардын жарыш сөз айтуу жараянына келип жетти. 16-июндагы отурумда мамлекеттик айыптоочу мурдагы башкы прокурор Индира Жолдубаеваны 15 жылга эркинен ажыратууну, мамлекеттик сыйлыктарын жокко чыгарууну, үй мүлкүн мамлекетке чегерүүнү соттон суранды. Бул тууралуу сотко катышкан мурдагы президент Алмазбек Атамбаевдин жактоочусу Замир Жоошев “Азаттыкка” маалымдады. Анын айтымында, Жолдубаевнын жактоочусу Алия Турумбекова... Читать дальше...

Венгриянын парламенти премьер-министр Виктор Орбанга коронавирус кризисин жөнгө салуу маалында берилген атайын ыйгарым укуктарды жокко чыгарган резолюцияны жактырды. Өкмөт башчынын “Фидес” партиясы үстөмдүк кылган парламент 16-июнда өзгөчө кырдаалды, аны менен кошо Орбанга чектелбеген мөөнөт бою атайын декреттер менен башкарууга укук берген ыйгарымдарды алууну колдоду. Эми өкмөт алдыдагы аптада өзгөчө кырдаалды жоёт деп күтүлүүдө. Ошол эле маалда мыйзам чыгаруучулар “медициналык кризис абалын” жарыялоого жол ачкан жобону жактырышты. Читать дальше...

Биринчи вице-премьер-министр Кубатбек Боронов өкмөттүн жаңы курамы түзүлгөнгө чейин премьер-министрдин милдетин аткарат. Тиешелүү жарлыкка президент Сооронбай Жээнбеков 16-июнда кол койду.  Ушул эле жарлык менен Мухаммедкалый Абылгазиев берген арызына ылайык, премьер-министр кызматынан бошотулду. Жогорку Кеңештеги көпчүлүк коалиция 16-июнда өзү сунуштаган техникалык өкмөттүн жаңы курамын жактырып, дээрлик бир добуштан колдоп беришти. Өкмөт башчылыкка Кубатбек Боронов, биринчи вице-премьер-министрлик... Читать дальше...

Соңку үч күндө Кыргызстанда COVID-19 инфекциясын жуктуруп алгандар көбөйдү. 16-июнга карата бир күндө өлкө ичинде 100 адамга илдет жукканы аныкталды жана бир бейтап кайтыш болду. Бул - өлкөдө коронавирус алгач катталгандан берки эң жогорку көрсөткүч.

Коронавирус расмий катталбаган Түркмөнстанда, айрым кабарларга караганда, эки чоң оорукана карантинге алынды. Саламаттык сактоо министрлигине жакын булактар "Азаттык" радиосунун түркмөн кызматына 15-июнда кабарлашкандай, Ашхабаддагы инфекциялык ооруканада иштегендерге бир нече күн бою ал жактан чыгууга жана телефондорун пайдаланууга тыюу салынды. Атын атабаган кызматкерлер оорукана пневмонияга чалдыккан бейтаптарга толуп калганын, оор абалдагылар жана көз жумгандар бар экенин айтып беришти. Лебап... Читать дальше...

Республикалык кан борборунун жетекчиси Бакыт Карабаевдин айтымында, борбордогу канды тазалоочу, сактоочу каражаттардын жетишсиздигинен улам элди кан менен камсыз кылуу иши токтоп калуу коркунучуна кептелди. Анын айтымында, коронавируска байланыштуу карантин жарыялангандан бери борборго керектүү каражаттар алына элек. “Бизде донорлор бар, бирок алардын канын куюп, тазалап, керектөөгө даярдоочу каражаттар калбай калды. Коронавирустун экинчи толкуну келсе, биз бейтаптарды кан менен камсыздай албай калабыз. Читать дальше...

IT дүйнөсүндө чектөө жок. Кыргызстанда туруп эле өнүккөн өлкөлөрдө аралыктан иштесе болот.

Бишкек шаарынын административдик соту "өкмөт Аскаровдун укугун бузган эмес" деген бүтүмгө келген.

Ички иштер министрлигинин басма сөз кызматы соңку учурда жеке менчик ишканаларды карактоо, тоноо фактылары көп катталып жатканын билдирди. Маалыматта мындай фактылардын так саны айтылган эмес. Мекеме-ишканаларды кайтаруу үчүн ИИМдин Күзөт кызматына кайрылуу ишенимдүү экенин белгилеген. 12-июнда Бишкекте саат 13:20 чамасында Манас проспектиси менен Бөкөнбаев көчөлөрүнүн кесилишиндеги банк каракталган. Бишкек шаардык ички иштер башкармалыгынын басма сөз кызматы беткапчан эки киши банкка курал менен кирип келип кызматкерлерди... Читать дальше...

Казакстандын Алматы шаарынан анча алыс эмес жерде коронавирустан ажал тапкандар көмүлгөн атайын көрүстөндө жайлардын саны дагы көбөйдү.

Кытай Өзбекстанды карай жаңы транспорт коридорун жүргүзүп жаткан чакта, Кыргызстан-Тажикстан-Ооганстан-Иран багытындагы темир жолдун курулушу инвестициянын жоктугунан ара жолдо турат.

Коронавирус илдетине чалдыгып, бирок оорунун белгилери байкалбаган бейтаптар үйүндө обочолонот. Бул тууралуу республикалык штабдын жыйынында белгилүү болду. Саламаттык сактоо министри Сабиржан Абдикаримов саламаттык сактоо системасынын жүгүн жеңилдетүү үчүн иштөө алгоритмине өзгөртүүлөр киргизилгенин билдирди. Ага ылайык, вирус жуктуруп алган адамдын клиникалык белгилери байкалса гана дарылануу үчүн ооруканага жаткырылат. Ошол эле учурда мобилдик топтор коронавирустун жайылышынын алдын-алуу үчүн үйдө обочолонгон бейтаптарды көзөмөлдөйт. Читать дальше...

Радио жыштыктарды бөлүштүрүүдөгү коррупциялык ишке байланыштуу эмгек өргүүсүнө чыккан премьер-министр Мухаммедкалый Абылгазиев кызматынан кетип, башкаруучу коалиция анын ордуна биринчи вице-премьер-министр Кубатбек Бороновдун талапкерлигин көрсөттү.

Мамлекеттик бажы кызматынын мурдагы кызматкери Эмилбек Кимсановдун адвокаты Назгүл Сүйүнбаева өзүнүн кардары абакта сабалып жатканы тартылган видео колуна тийгенин кабарлап, аны "Фейсбуктагы" баракчасына жайгаштырды. Тасмада белгисиз эки адам дагы бир кишини мыкаачылык менен сабап жатканы көрүнүп турат. Сүйүнбаева видеодогу ур-тепкиге калган киши Эмилбек Кимсанов экенин билдирип жатат. Адвокат видео колуна кайдан тийгенин жазган эмес. «Бул видеодо эки олбурлуу эркек Кимсановду катуу сабап жатат. Читать дальше...

Кыргызстанда коронавирусту текшерүүчү мамлекеттик лабораториялар санарипке өтүп, алардын иштөө сапаты жогорулады. Бул тууралуу “Азаттык” радиосуна USAID агенттигинин «Кургак учукту айыктыруу» долбоору кабарлады. Маалыматка караганда, тесттерди текшерүү эми Лабораторияларды башкаруунун маалыматтык системасынын негизинде жүргүзүлөт. Буга чейин мындай система кургак учукка каршы кызматта ийгиликтүү колдонулуп келаткан. Маалыматтык технологиялар жана байланыш комитетине караштуу социалдык чөйрөдө... Читать дальше...

Биринчи май райондук сотунун "Батукаев иши" боюнча 16-июндагы отурумунда мамлекеттик айыптоочу мурдагы президент Алмазбек Атамбаевди 15 жылга эркинен ажыратууну соттон сурады. Бул тууралуу Атамбаевдин жактоочусу Замир Жоошев “Азаттыкка” маалымдады: “Бүгүн жарыш сөздө мамлекеттик айыптоочулар мурдагы айыптоо актысын окуп койду. Анан шектелүүчүлөргө жаза сурады. Алмазбек Шаршеновичти 15 жылга эркинен ажыратуу, мамлекеттик сыйлыктарын жокко чыгаруу, үй мүлкүн мамлекетке чегерүүнү суранды”. Жактоочу... Читать дальше...

Бүгүнкү күнү президенттин колунан келүүчү бир гана иш калды – ал парламенттик шайлоону акыйкат, адилет өткөрүү. Мындай пикирин саясатчы Бектур Асанов “Азаттыктын” “Эксперттер талдайт” берүүсүндө айтты. Ал учурда Кыргызстандагы бардык күч кызматтары олигархтык-бандиттик кландар үчүн иштеп калды деген пикирде: “Журналист Али Токтакуновду 100 миң доллар алды деген көрсөтмөнүн өзү бул бийликтин атайын кызматы Райымбек Матраимовдун кланына иштеп жатканын, ошолордун кызыкчылыгын көздөп, адилеттүү маалымат... Читать дальше...

Улуттук коопсуздук боюнча мамлекеттик комитет (УКМК) мурдагы президент Алмазбек Атамбаевдин саламаттыгы боюнча маалымат таратты. Анда учурда УКМКнын тергөө абагында отурган Атамбаевдин саламаттыгы канааттандырарлык экенин, ден соолугуна байланыштуу эч кандай даттануусу жок экени айтылган. Мекеменин басма сөз кызматы тараткан маалыматта дарыгерлер саясатчыга күнү-түнү көзөмөл кылып жатканы белгиленген. Биринчи Май райондук сотунда кримтөбөл Азиз Батукаевдин мыйзамсыз бошотулушу боюнча 16-июнда... Читать дальше...

Ош шаарындагы Сулайман-Тоонун аймагында 55 түп бак-дарак кыйылганы боюнча териштирүү жүрүп жатат. Бул тууралуу Экологиялык жана техникалык коопсуздук боюнча мамлекеттик инспекциянын Ош шаардык башкармалыгынын башкы инспектору Адилбек Матисаков «Азаттык» радиосуна билдирди. «Майда бадалдардан 55 түп кесилген. Анын ичинен 12си куурап калган дарак, 43ү өсүп турган дарак экени аныкталган. Өсүмдүктөргө келтирилген зыян боюнча 33 313 сом доо коюлду. Иш Ош шаардык прокуратурасына өткөрүлүп берилген. Кийин прокуратура ишти милицияга өткөрүп берди»... Читать дальше...

Келе жаткан өкмөт өлкөнүн экономикасын көтөрүү үчүн эмес, шайлоого иштейт. Бул тууралуу Жогорку Кеңештин депутаты Жанар Акаев “Азаттыктын” “Эксперттер талдайт” программасында билдирди: “Бул өкмөттөн жакшылык, өзгөрүү, адилеттүүлүк күтүүгө болбойт. Анткени, бул өкмөт шайлоого иштөө үчүн келе жатат. Батырбеков “Кыргызстан” партиясы үчүн иштейт. Боронов “Биримдик” партиясына иштейт. Булар ушундай миссия менен келе жатат”. Жанар Акаев азыркы кырдаалда элдин турмушун жакшыртып, өзгөртүүлөрдү жүргүзүү үчүн мобилдүү... Читать дальше...

Жерге-Тал жана мургабдык кыргыздардын оозеки чыгармачылыгы тууралуу жазуучу Мирзохалим Каримовдун блогу.

Социалдык-экономикалык маселелер топтолуп, ондогон жылдар бою чечилбей келген, аларды кыска убакытта чечүү мүмкүн эмес. Туруктуу өнүгүү үчүн өлкөдө коомдук-саясий туруктуулук, саясатсыз экономика, анан албетте, күчтүү кадрлар керек. Бул тууралуу мурдагы премьер-министр Мухаммедкалый Абылгазиев 16-июнда өкмөт мүчөлөрүнүн милдетин аткаруучулары жана өкмөттүк аппараттын эмгек жамааты менен жолугушууда билдирди. Абылгазиев биргелешкен иштин ар бир күнү жарандардын турмушун жана экономикалык көрсөткүчтөрдү жакшыртууга багытталганын белгиледи. Читать дальше...