Новости за 21.03.2020

21-мартта Коопсуздук кеңешинин жыйынында президент Сооронбай Жээнбеков коронавирус жайылып жаткан шартта жарандарды жеңил пиардан алыс болууга чакырды. Кыргызстанда COVID-19 вирусун жалпысынан 14 адам жугузуп алган. Сузак районунда сегиз, Ноокатта үч, Бишкек шаарында эки жана Баткен районунда бир адам катталган. Ал эми 2628 адам дарыгерлердин көзөмөлүндө турат.

Кыргызстанда эрте жашынан эле балдарын чет тил курстарына берген ата-энелер көбөйдү. Логопед, психолог жана невролог адистер арасында бул демилгени колдогондор да, ага каршы чыккандар да жетиштүү.

Түркиядан кете албай калган кыргызстандыктар өкмөткө кайрылышты.

Караколдо жергиликтүү калк беткап жана керектүү дарыларды таппай убара тартууда. Шаарда зордук-зомбулуктан жабыркаган жана майып аялдар иштеген эки цех беткап тиге баштады. Күнүнө 2,5 миңдей беткап саламаттык сактоо мекемелерине жөнөтүлгөнү менен муктаждыкты жаба албай жатат.

Президент Сооронбай Жээнбеков коронавирус жайылып жаткан шартта жарандарды жеңил пиардан алыс болууга чакырды. Бул тууралуу Жээнбеков Коопсуздук кеңешинин 21-марттагы жыйынында билдирген. Президент учурда “бардык маселе боюнча эксперттер көбөйгөнүн” белгилеп, жеңил пиардан оолак болууга үндөгөн: “Жардам бересиңерби, ырдайсыңарбы же ыйлайсыңарбы коомчулукка жарыялабай эле жасасаңар болот. Жасаган ишиңерди, соопчулукту ошол жерде жашаган эл билсе, анын батасы тиет. Эң негизгиси, Кудай билсе болду. Читать дальше...

Иммунитетти кантип көтөрүш керек? Вирус күчөгөн маалда туура тамактануунун жолдору кандай? Спирт ичимдиктерин ичсе болобу? Ушул жана башка суроолорго Тибет медицинасынын доктору Анархан Надирова жооп берди.

COVID-19 аталышындагы коронавирус жайылып кеткенине байланыштуу өлкөдө өзгөчө кырдаал жарыяланды. Бул илдетке байланыштуу бардык маданий иш-чаралар токтотулуп, Кыргызстан жылдагыдай Ноорузду майрамдабай калды.

Кыргызстанда мамлекеттик мекемелер, жергиликтүү өз алдынча башкаруу органдары үчүн 22, 28, 29-март, 4, 5, 7, 11, 12-апрель иш күндөрү деп белгиленди. Тиешелүү чечимге премьер-министр Мухаммедкалый Абылгазиев 21-мартта кол койду.  Өкмөттөн кабарлашкандай, бул чечим коронавирус инфекциясынын өлкөгө жайылышына жол бербөө боюнча ыкчам чараларды көрүү, экономикалык багыттын туруктуу ишин камсыздоо үчүн кабыл алынды. «Көрсөтүлгөн чараларды аткаруу үчүн эс алуу жана майрам күндөрү аларды ишке ашыруу талап кылынат», – деп айтылат маалыматта. Читать дальше...

Түштүк Кореянын «Ренхап» агенттиги аскерлерге таянуу менен Түндүк Корея Жапон деңизин көздөй ракета учурганын жазды. Reuters агенттигинин маалыматы боюнча, ракета 300-400 чакырымдай учуп барып, Токиодон анча алыс эмес жерге кулаган. Жапониянын премьер-министри калкка Пхеньяндын аракеттери тууралуу маалымат берип, аскерлерди кырдаалдын ар кандай өнүгүшүнө даяр турууга чакырды. Вашингтон кырдаалга көз салып жатканын жана Сеул, Токио менен байланышта экенин билдирди. Ушуну менен Түндүк Корея жыл... Читать дальше...

Мындай учурдагы аракеттердин ыкчам планын өкмөт менен Коопсуздук кеңешинин катчылыгы иштеп чыгат.

Бул тууралуу Коронавируска каршы туруу боюнча республикалык штабдан кабарлашты. Маалыматка ылайык, жуктургандардын бири 24 жаштагы жигит Франциядан келип, “Манас” эл аралык аэропортундагы обсервация борборунда жаткан. Экинчиси 26 жаштагы жигит Сауд Арабиядан кичи ажылыктан кайтып келип, Бишкек шаарындагы “Ак-Кеме” мейманканасында изоляцияга алынган. Кыргызстанда СOVID-19 вирусун жугузуп алгандардын саны 14кө жетти. Буга чейин бул вирус Сузак районунан сегиз, Ноокат районунан үч, Баткен районунан бир кишиге жукканы кабарланган. Читать дальше...

Дунган элинде кыздарды үй турмушуна кичине кезинен даярдашат. Кыз-келиндердин көбү улуттук тамак-ашты мыкты жасап, сатып акча табат. Бул жолу «Азаттык» жергиликтүү дунган калкы жыш отурукташкан Чүй облусундагы Милянфан айылын кыдырып, дунган кыз-келиндердин жашоосуна жана ишине кызыкты.

Кыргыз өкмөтү коронавирус илдетин жайылтпоо максатында 22-марттан тарта Коопсуздук кеңешинин сунушунун негизинде өлкө аймагында өзгөчө кырдаал киргизүүдө. Бул тууралуу өкмөттөн кабарлашты. Маалыматка ылайык, премьер-министр Мухаммедкалый Абылгазиев бүгүн өлкө аймагындагы өзгөчө кырдаал киргизүү боюнча кеңешме өткөргөн. Анда премьер-министр өкмөт өзгөчө кырдаалда ишке ашырыла турган планды аткарууга киришкенин билдирген. “Планда борбор калаа жана аймактардагы блокпостторду жайгыштыруу боюнча маалымат... Читать дальше...

Грузиянын өкмөт башчысы Георгий Гахария коронавирустун жайылышын ооздуктоо максатында өлкөдө бир айга өзгөчө абал режимин киргизүүнү сунуштады. Бул тууралуу ал 21-мартта билдирди.  Гахария «бул маалда карантиндин эрежесин бузгандар катуу жазалана турганын» эскертти. Көп өтпөй өлкө президенти Саломе Зурабишвили бул боюнча документти парламенттин жактыруусуна жөнөттү. Эми депуттатар 24 сааттын ичинде чечим кабыл алышы зарыл. Соңку бир суткада Грузияда коронавирус жугузуп алган төрт киши катталган. Читать дальше...

Индиянын Хайдарабад шаарында 11 кыргыз жараны карантинге алынды. Бул тууралуу Тышкы иштер министрлигине шилтеме берүү менен коронавирустун алдын алуу боюнча республикалык штаб кабарлады. Маалыматка ылайык, изоляцияга алынгандар коронавируска текшерүүдөн өтмөкчү. Буга чейин Тышкы иштер министрлиги чет өлкөлөрдө коронавирус жуктурган кыргызстандыктар жок экенин кабарлаган.(BkA)

Соңку бир сутка ичинде Орусияда 54 адам өпкөнү сезгенткен илдетке кабылган. 79 жаштагы бир аял көз жумду. Бирок ал коронавирустан өлгөндөрдүн санына кирбей турганын орус бийлиги маалымдады. Москва билдиргендей, ал башка эле оорудан каза тапкан. Анткен менен Жон Хопкинс университети азырынча Орусияда бул оорудан өлгөн бир адам бар экенин расмий кабарлап жатат. Орусиянын президенти Владимир Путин коронавирус пандемиясын «тышкы коркунуч» катары баалаган. Ал орусиялыктарды «кырдаал көзөмөлдө» экенине ишендирди. Читать дальше...

Нарындагы "Ага Хан" фонду ачкан Борбор Азия университетинин ректору, профессор Сохаил Накви Пакистандагы билим берүү рейтинги эң төмөн болгон Лахор университетин бир нече жылдын ичинде эл аралык деңгээлдеги мыкты окуу жайлардын катарына кошкон. Ал Кыргызстандагы билим берүүдөгү кемчиликтер, Борбор Азия университетинин багыты жана максаты тууралуу айтып берди.

Аба ырайы: 22-мартта түнкүсүн көпчүлүк аймактарда жаан, тоолуу райондордо кар жаайт. Тоолуу райондордо жолдор тайгак болушу күтүлөт. Батыштан соккон шамалдын ылдамдыгы секундасына 4-9 метрден, 22-мартта кээ бир райондордо 15-20 метрге жетет. Абанын температурасы: Чүй өрөөнүндө түнкүсүн 5…10, күндүз 14…19; Талас жергесинде түнкүсүн 4…9, күндүз 15…20; Ош, Баткен, Жалал-Абад дубандарында түнкүсүн 6…11, күндүз 18…23; Ысык-Көл облусунда түнкүсүн 0…5, күндүз 9…14; Нарын облусунда түнкүсүн -4…1... Читать дальше...

Коронавирус менен күрөштө Кыргызстан башка өлкөлөрдүн тажрыйбасынан кандай сабак алышы керек?

Казакстанда коронавирус жуктуруп алган элүү үчүнчү жаран Түркиядан Бишкек аркылуу учуп келген. Бул тууралуу Казакстандын cаламаттык сактоо министринин расмий өкүлү Диас Ахметшарип билдирди. Анын айтымында, 34 жаштагы адам 17-мартта Стамбул-Бишкек каттамы аркылуу Кыргызстанга келип конгон. 18-мартта Казакстандын Алматы облусундагы Каскелең аймагына автотранспорт менен өткөн. Ал адамдын коронавирус жугузуп алганы 21-мартта аныкталды. Учурда ооруканага жаткырылып, дарыланууда. Бул жагдай боюнча... Читать дальше...

Бишкек шаардык сотунда каралып жаткан Бишкек Жылуулук электр борборун (ЖЭБ) жаңылоодогу коррупция боюнча козголгон кылмыш иши жөнүндө жараян 23-мартта улантылат. Бул тууралуу “Азаттык” радиосуна бул иште айыпталгандардын бири, мурдагы премьер-министр Сапар Исаковдун адвокаты билдирди. Анын айтымында, 20-марттагы жараянда көпчүлүк айыпталуучулары акыркы сөзүн сүйлөштү. Бир гана мурдагы финансы министри Ольга Лаврова калды. 23-мартта Лаврова акыркы сөзүн сүйлөгөн соң ишти караган соттук коллегия чечим чыгарат. Читать дальше...

Шаарга күнүнө 100гө чукул адамдын анализин текшергенге мүмкүнчүлүгү бар карантиндеги инфекцияларды тез аныктай турган мобилдүү лаборатория Ош шаарынан жеткирилди. Мындай маалыматты өкмөттүн Жалал-Абад облусу боюнча ыйгарым укуктуу өкүлчүлүгүнүн басма сөз кызматынан билдирди. “Ал Жалал-Абад облустук санитардык эпидемиологиялык көзөмөл кызматына жайгаштырылды жана ал менен бирге атайын даярдыктан өткөн адистер келди. Дагы Бишкек шаарынан карантиндик жана өтө кооптуу жугуштуу оорулары кызматынан кошумча адистер тартылууда. Читать дальше...

Бишкекте коронавирусту жайылтпоо чараларынан улам 22-марттан тарта борбор калаада троллейбустан башка коомдук транспорт токтотулат. Бул тууралуу мэриядан кабарлашты. Маалыматка ылайык, шаардагы бардык автобус жана кичи автобустар убактылуу ишин токтотот. Калаа бийлиги буга байланыштуу шаардыктарды зарыл жумуш болбосо көчөгө чыкпоого чакырууда. Коомдук транспорт качан иштей баштары азырынча маалымдала элек.(BkA)

Иран өткөн жылдан бери Тегеранда камакта отурган франциялык изилдөөчүнү Францияда кармалып турган ирандык инженерге айырбаштады. Бул тууралуу Ирандын маалымат каражаттары кабарлашты. IRIB телеканалы 20-мартта билдиргендей, Францияда 2019-жылы АКШнын өтүнүчү менен камалган Жалал Рохоллахнеджад бошотулду. Андан бир нече саат өтпөй франциялык академик Ролан Маршал Тегерандагы Франциянын элчилигине жеткирилди.  Кошмо Штаттар Рохоллахнежадды Вашингтондун санкцияларын көзгө илбей Иранга өндүрүш жабдыктарын экспорттогон деп шек санап жатат. Читать дальше...

Биринчи вице-премьер-министр Кубатбек Боронов Кыргызстанга 22-марттан баштап киргизилгени жаткан өзгөчө кырдаалдын жол-жобосун түшүндүрдү. Анын айтымында, өзгөчө кырдаал менен өзгөчө абалды алмаштырбоо кажет. “Өзгөчө кырдаалда атайын эпидемиялык иш-чаралар жүргүзүлөт. Бирок жарандардын жүрүм-туруму, кыймылына чектөөлөр өзгөчө абалга караганда жеңил болот. Экономикалык иш-чаралар, башка маселелер күнүмдүк турмушта улантыла берет. Ал эми зарылдыгы жок кайсы бир жакка чыгууга же болбосо эл көп чогулган жерге барууга тыюу салынат”,-деди Боронов. Читать дальше...