10-сентябрда Бишкекте пластикалык хирургия жана косметологияга арналган эл аралык конгресс өтөт. Кыргыз-орус славян университетинин 25 жылдыгына арналган иш-чараны кыргызстандык адистер өткөрүүдө. Жыйынга Орусия, Жапония, Түштүк Корея жана Индонезиядан келген дарыгерлер катышарын аталган окуу жайдан кабарлашты. Дарыгерлер пластикалык хирургиянын стратегиялык өңүттөрүн талкуулашмакчы.
Кыргызстанда пластикалык операция жасаткандардын саны арбыганы айтылганы менен статистикалык маалыматтар жок. Дарыгерлерге кайрылгандардын басымдуу бөлүгү терисин тарттырып, жаш көрүнүү максатын көздөшөт.