Еуразиялық медиа форум - жаһандық диалогты дамытуға серпін береді - Апталық шолу
АСТАНА. ҚазАқпарат - Ақпараттық ғасыр мен жаһанданған заманда көп болып пікір алысып, ортақ проблемаға бірлесе жұмылмаса, жеке-дара жүргендер жөні түзу іс бітіре алмайтынын әлем елдері де мойындай бастады. Шындығында, қазір дүниеде қатерлерге, құбылыстарға қарсы «дербес күрескер» деп аталатын ел жоқ. Соның ішінде әлемдік аренада өз орнын дөп басқысы келетін әрбір мемлекет ашық пікірталас алаңдарына көбірек жүгінеді. Түсіністікке, диалогқа ұмтылады. Бұндай түсіністік әсіресе Шығыс пен Батыс өркениеттері арасында мейлінше қажет екені анық.