Роналду даудан кейін алғашқы голын соқты: рекордқа қанша қалды?
Сауд Арабиясы чемпионатының 8-турындағы "Әл-Наср" мен "Әл-Дирия" арасындағы матчте Криштиану 23-минутта есеп ашты.
Бұдан кейін оның командаластары тағы екі гол соғып, кездесу 3:0 есебімен аяқталды. Роналду алаңда толық 90 минут ойнады.
41 жастағы Криштиану үшін бұл гол клубтар мен Португалия құрамасы сапындағы ресми матчтердегі 980-ші гол болды. Көз тоймас 1000 голдық межені бағындыру үшін оған енді қарсылас қақпасына 20 доп соғу қажет.
Клубтық деңгейде Роналду 834 гол соқса, Португалия құрамасы сапында тағы 146 нәтижелі соққыны өз еншісіне жазды.
Криштиану Роналду мен құрама арасындағы жанжал
Еске салайық, 1 қазанда Португалия құрамасының Ұлттар лигасы аясында Даниямен өтетін матчі қарсаңында Роналду ұлттық құраманың орналасқан жерінен кетіп қалған болатын.
Бұл жағдай бапкер Жорже Жезуштің баспасөз мәслихатында Криштианудың келесі ойынға қатыспайтынын мәлімдегенінен кейін болған.
Кейін Роналду құрамадан не себепті кеткенін түсіндірді. Оның айтуынша, бапкер өзіне берген уәдесінде тұрмаған. Жезуш футболшыны алаңға шығаруды жоспарламаса да, оған ойынға дайындалу үшін дене қыздыру жаттығуларын жасатқан.
Instagram-дағы бұл жарияланымды көру
Cristiano Ronaldo (@cristiano) жарияланымы
Кейінірек Жезуш журналистердің сұрақтарына жауап бере отырып, Роналду үшін құрама есігі әрқашан ашық екенін, бірақ ойыншыдан кешірім сұраудың қажеті жоқ деп санайтынын айтты.
Криштиану болмаған кезде команда Ұлттар лигасындағы үш матчтің бәрінде жеңіске жетіп, топта көш бастап тұр.