Қаралы күнге байланысты Қазақстанда қандай концерттер тоқтатылып, кейінге шегерілді?
"Астана" КТК командасының концерттері
"Астана" КТК командасының үш қаладағы концерттері желтоқсан айына ауыстырылды.
"Астана" командасының Орал, Атырау және Ақтау қалаларындағы концерттері желтоқсанға шегерілді. Концерттердің жаңа күндері жақын арада жарияланады. Бұған дейін сатып алынған барлық билеттер жарамды болып қалады", - делінген жарияланымда.
Instagram-дағы бұл жазбаны көру
A post shared by Концертное агентство - Asia Events (@asia_events_kazakhstan)
Абзал Өтешовтің концерті
Абзал Өтешовтің Астанадағы концерті 29 қыркүйекке ауыстырылды. Бұл туралы әнші Instagram-дағы парақшасында хабарлады.
"Маңғыстау облысында қаза тапқан әскери қызметшілердің жақындары мен туыстарына көңіл айтамыз. Билеттер жаңа күнге жарамды. Егер жаңа күн сізге ыңғайсыз болса, билетті қайтару мүмкіндігі бар", - деп жазды әнші.
Instagram-дағы бұл жазбаны көру
A post shared by Abzal Uteshov Team (@uteshov.tour)
"The Michael Jackson HIStory Show" шоуы
Сондай-ақ билет сату сайтында Алматыда 25 қыркүйекке жоспарланған "The Michael Jackson HIStory Show" қойылымының кейінге шегерілгені хабарланды.
"Жалпыұлттық аза тұту күнінің жариялануына байланысты қаза тапқандардың туған-туыстары мен жақындарына қайғырып көңіл айтамыз. Осы қайғылы оқиға қабырғасын қайыстырған жандардың қайғысына ортақпыз. Алматыда 25 қыркүйекке жоспарланған "The Michael Jackson HIStory Show" шоуы кейінге қалдырылады", - делінген хабарламада.
Instagram-дағы бұл жазбаны көру
A post shared by ZAKAZBILETOV.KZ (@zakazbiletov.kz)
Тек ірі концерттер мен танымал әртістердің өнері ғана емес, Астанадағы "WE. Гитарамен өткен жылы кеш" квартирнигі де келесі аптаға ауыстырылды.
"WE Kitchen ұжымы Маңғыстау облысында қызметтік міндеттерін атқару кезінде қаза тапқан әскери қызметшілердің туған-туыстары мен жақындарына терең қайғырып көңіл айтады. Туындаған қолайсыздықтар үшін кешірім өтінеміз және түсіністік танытқандарыңызға алғыс білдіреміз. Егер іс-шараның жаңа күніне бара алмасаңыз, билеттерді сатып алған жеріңізде белгіленген ережелерге сәйкес қайтаруға болады", - делінген жарияланымда.
Instagram-дағы бұл жазбаны көру
A post shared by WE Kitchen (@we_kitchen_)
Каспийдегі қайғылы оқиға
24 қыркүйекте Маңғыстау облысында әскери-теңіз жаттығулары кезінде әскери қызметшілер Каспий теңізінде суға ағып кеткен. Олар Каспий теңізі жағалауында оқу-жауынгерлік тапсырмаларды орындап жатқанда, ауа райы күрт бұзылып, жел күшейген.
Бастапқыда 19 әскери қызметші суға кеткені хабарланған болатын. Кейін Маңғыстау облысының әкімдігі 17 адам екенін нақтылады.
Бұған дейін 12 адам қаза тапқаны хабарланды, үш адам құтқарылды. Құтқарылғандардың біреуі ауруханада жатыр.
Қайғылы оқиғаны тергеу үшін Үкіметтік комиссия құрылды. Оны премьер-министрдің орынбасары Қанат Бозымбаев басқарады. Комиссия қайғылы оқиғаның себептерін анықтап, қаза тапқандардың отбасыларына көмек көрсетуі тиіс.
Әскери қызметшілердің қаза болу дерегі бойынша соталды тергеп-тексеру басталды. Бұл туралы Бас прокуратура хабарлады. Тергеушілер оқиғаның барлық мән-жайын анықтап жатыр.
Президент Қасым-Жомарт Тоқаев қаза тапқан әскери қызметшілердің туған-туыстарына көңіл айтты. Мемлекет басшысы 25 қыркүйекті жалпыұлттық аза тұту күні деп жариялады.
Бүгін, 25 қыркүйекте оқу-жаттығу кезінде кеше Каспий теңізінде суға ағып кеткен тағы екі әскери қызметшінің денесі табылды. Осылайша, қаза тапқандар саны 14 адамға жетті.
Қорғаныс министрлігі Каспий теңізінде іздестіру операциясы аяқталғанын хабарлады.