“Шапито”: “Астана” - “Қайрат” матчінен кейін жанжал шықты
"Астана" мен "Қайрат" матчі төңірегіндегі дау өткен турда-ақ басталған болатын. "Тобылдан" жеңілгеннен кейін Оразбахтин "Астана" жаттықтырушысы алматылықтармен өтетін ойынға көшбасшыларын сақтап қалуды ұйғарғанын және чемпионат көшбасшысы "Ордабасыға" қарсы команданың үздік сұрмергенінсіз ойнағанын айтқан еді.
"Меніңше, ең бастысы - өмірде дұрыс бағытта жүру керек. Ар-ұжданмен өмір сүріп, адам болып қалу маңызды. Бәріміз пендеміз. Жетістікке түрлі жолдармен жетуге болады, бірақ өзіңмен-өзің қалғанда, өміріңде жасаған істерің үшін ұялмауың керек. Егер сен оны адал істесең... Бәріміз соған ұмтылуымыз қажет", - деді Оразбахтин.
Шымкенттегі матчте "Астана" ақыры жеңіліп қалды, ал өз алаңында "Қайратқа" қарсы ойынға негізгі құраммен шықты. Кездесудің 11-минутында-ақ төреші Садыбековті алаңнан қуып, елордалық команда бір ойыншы артықшылығын пайдаланды.
Матч 1:0 есебімен "Астананың" пайдасына аяқталып, "Ордабасыға" турнир кестесінде "Қайраттан" 4 ұпайға ұзап кетуге мүмкіндік берді.
Ойыннан кейін Рафаэль Оразбахтин баспасөз мәслихатына шығып, қысқаша мәлімдеме жасады.
"Баршаңызға қайырлы күн! Көп сөйлемеймін, бір-ақ сөз айтамын: шапито! Рақмет!" - деді Оразбахтин конференц-залдан шығып бара жатып.
Instagram-дағы бұл жарияланымды көру
1bol.kz жарияланымы (@b1rinshibol)
Бұл сөздер Григорий Бабаянның құлағына жетіп, "Астана" бапкері өз баспасөз мәслихатында бұған шұғыл реакция білдірді.
"Оразбахтинге қатысты сұрақ - ол өзіне неге жол береді, өзін кім деп ойлайды? Мен жай ғана таңғалғанымды айтамын, өйткені онымен қарым-қатынасымыз өте жақсы еді. Мен ол 1:4 есебінен кейін эмоциямен айтты, кейін хабарласып немесе жазып: "Тыңдашы, сол жерде қызып кетіппін..." дейтін шығар деп ойладым. Біздің мамандық өте қиын, ең күрделі салалардың бірі. Онда бір-бірімізді қолдауымыз керек. Бірақ ештеңе жоқ. Шапито? Білмеймін, бәлкім ол өзі туралы айтқан шығар, мүмкін сайқымазақ келген болар", - деп келтіреді Бабаянның сөзін Vesti.kz.
Айта кетейік, Қазақстан чемпионатының аяқталуына төрт тур қалғанда үш команданың чемпиондыққа теориялық мүмкіндігі бар: "Астана", "Қайрат" және "Ордабасы". Бұл ретте алматылықтар мен шымкенттіктер үздік үштіктен шықпайтыны анық.
Instagram-дағы бұл жарияланымды көру
«Астана» | FC Astana (@fca.astana) жарияланымы
ҚПЛ турнир кестесі (үздік 4)
"Ордабасы" (Шымкент) - 61 ұпай (26 матч);
"Қайрат" (Алматы) - 57 ұпай (26 матч);
"Астана" (Астана) - 48 ұпай (25 матч);
"Оқжетпес" (Көкшетау) - 42 ұпай (25 матч).
"Шапито": әлеуметтік желілердегі дауға реакция
Жаттықтырушылардың баспасөз мәслихатынан кейін жанжал әлеуметтік желілерде жалғасты. "Астана" ФК-ның TikTok-тағы ресми аккаунты болып жатқан жайтқа "Мадагаскар" мультфильміндегі Марти атты зебраның сайқымазақ парик киіп билеп жүрген видеосымен жауап берді.
@fca.astana ????♂️ #fcastana ♬ түпнұсқа дыбыс - FC Astana