“Челси“ Аргентина құрамасының даулы қақпашысын қатарға қосты
33 жастағы қақпашы "Астон Вилладан" "Челсиге" 7,5 миллион фунтқа ауысты. Ол 2028 жылдың маусымына дейін келісімшартқа отырды. Сондай-ақ келісімді тағы бір маусымға ұзарту мүмкіндігі қарастырылған.
Transfermarkt порталының мәліметінше, қазір лондондық клубтың негізгі құрамында бес қақпашы бар. Эмилиано Мартинестен бөлек, олар — 21 жастағы бельгиялық Майк Пендерс, 28 жастағы испаниялық Роберт Санчес, 22 жастағы америкалық Габриэль Слонина және 23 жастағы ағылшын Тедди Шарман-Лоу.
"Мен бұл жерде табысқа жеткім келеді. Мен кез келген істе жеңіске ұмтылатын адаммын және осы қасиетімді бұл клубқа да әкелгім келеді. Өйткені бұл — жүлде үшін күресетін клуб. Сондықтан біз бір-бірімізге жақсы сәйкес келеміз деп ойлаймын. Мен әр матч пен әр жаттығуда барымды саламын. Клуб, командаластарым және жанкүйерлер менімен мақтануы үшін барымды саламын, - деп келтіреді оның сөзін "Челсидің" баспасөз қызметі.
Instagram-дағы бұл жарияланымды көру
Chelsea FC (@chelseafc) жарияланымы
Эми Мартинес - даулы қақпашы
Қақпашы Катарда өткен 2022 жылғы әлем чемпионатының Аргентина мен Франция арасындағы финалынан кейін қызу талқыға түскен болатын.
Сол кезде аргентиналық қақпашы француз шабуылшысы Килиан Мбаппе мен басқа ойыншыларға қатысты бірнеше арандатушылық мәлімдеме жасаған.
Сондай-ақ Мартинес әлем чемпионатының үздік қақпашысына берілетін "Алтын қолғап" жүлдесін алғаннан кейін трофеймен әдепсіз қимыл жасаған. Бұл әрекет тікелей эфирде көрсетіліп, көпшіліктің сынына ұшырады.
2026 жылғы әлем чемпионатында ол Аргентина құрамасымен қатарынан екінші рет финалға дейін жетті. Алайда бұл жолы аргентиналықтар Испания құрамасынан жеңіліп қалды.
Айта кетейік, Мартинес — Лондонның тағы бір клубы "Арсеналдың" түлегі. Ол бұл клуб жүйесінде 10 жыл өткізіп, 2020 жылы "Астон Виллаға" ауысқан еді.
Instagram-дағы бұл жарияланымды көру
Emi Martinez (@emi_martinez26) жариялаған жазба