Қазақстанда ең көп жүктеме түсетін ақылы жолдар аталды

2026 жылдың жеті айында Қазақстанның республикалық маңызы бар ақылы автомобиль жолдарында 45 миллионға жуық көлік қозғалысы тіркелді. Ең көп жүктеме түскен бағыт Алматы – Қонаев учаскесі болды, деп хабарлайды Tengri Auto."ҚазАвтоЖолдың" мәліметінше, 1 қаңтар мен 31 шілде аралығында ақылы жолдарда 44 954 050 көлік өткені тіркелді.
Алматы – Қонаев ең көп жүктеме түскен бағыт атанды
Ең көп көлік қозғалысы Алматы – Қонаев учаскесінде тіркелді - 7 149 537. Бұл жалпы көрсеткіштің шамамен 16 пайызын құрайды. Мұнда орта есеппен тәулігіне 33,7 мыңға жуық көлік қозғалысы тіркелген.
Екінші орында Шымкент – Өзбекстан шекарасы учаскесі - 5 463 475 өту. Үшінші орынды Шымкент – Тараз бағыты иеленді - 3 784 782.
Топ-5 қатарына сондай-ақ мыналар кірді:

Тараз – Қайнар - 3 289 935 өту;
Шымкент – Қызылорда - 2 736 666.

Осылайша, ең қарқынды қозғалыс Алматы агломерациясында және Қазақстанның оңтүстігінде байқалады. Оңтүстіктегі төрт бағыт - Шымкент – Өзбекстан шекарасы, Шымкент – Тараз, Тараз – Қайнар және Шымкент – Қызылорда - жиынтық түрде 15,2 миллионнан астам көлік қозғалысын қамтамасыз етті.
Астана маңындағы жолдардағы трафик қандай?
Елорданы өзге өңірлермен байланыстыратын бағыттарда да жоғары көлік белсенділігі байқалады.
Астана – Теміртау учаскесінде 2 293 893 өту, Астана – Щучинск жолында - 2 219 653, ал Астана – Павлодар бағытында - 1 401 004 өту тіркелді.
Толық рейтинг

Алматы – Қонаев - 7 149 537;
Шымкент – Өзбекстан шекарасы - 5 463 475;
Шымкент – Тараз - 3 784 782;
Тараз – Қайнар - 3 289 935;
Шымкент – Қызылорда - 2 736 666;
Астана – Теміртау - 2 293 893;
Астана – Щучинск - 2 219 653;Қонаев – Талдықорған - 2 178 708;
Тараз айналма жолы (Қайнар – Шымкент) - 1 644 729;Қостанай – Денисовка - 1 535 147.

Рейтингтің жалғасында Щучинск – Көкшетау (1 520 485), Алматы – Қорғас (1 500 567), Астана – Павлодар (1 401 004), Көкшетау – Петропавл (1 075 805) және Қызылорда – Арал (1 064 024) бағыттары орналасқан.
Балқаш – Бурылбайтал учаскесінде 942 450 өту, Ақтөбе – РФ шекарасы (Орынбор) - 779 128, Павлодар – Семей – Қалбатау - 746 120 өту тіркелді.
Рейтингтегі ең төменгі көрсеткіштер Бейнеу – Ақжігіт - 87 198 және Бурылбайтал – Күрті - 36 259 учаскелерінде байқалды.
Бұл ретте жаңадан ашылған үш ақылы учаске бойынша мәліметтерді өзгелермен тікелей салыстыруға болмайды. Қарағанды – Балқаш – Бурылбайтал және Бурылбайтал – Күрты жолдары 10 шілдеден бастап, ал Талдықорған – Өскемен жолы 2026 жылдың 11 шілдесінен бастап ақылы режимде жұмыс істей бастады. Сондықтан бұл учаскелер бойынша статистика шілде айының бір бөлігін ғана қамтиды."ҚазАвтоЖол" өкілдері қозғалыс қарқындылығы туралы мәліметтер негізгі көлік дәліздеріне түсетін жүктемені бағалауға және оны жолдарды күтіп ұстауды жоспарлап отыр, жол бойындағы сервисті жақсарту мен көлік инфрақұрылымын одан ары дамытуда ескеруге мүмкіндік беретінін атап өтті.