Голливуд жұлдызы Холандқа клуб ауыстыруды ұсынды: норвегиялық жауап берді
"Манчестер Сити" мен Норвегия құрамасының жұлдызды шабуылшысы Эрлинг Холанд басқа ағылшын клубына ауысуы мүмкін екенін мәлімдеді. Мұндай өтінішті оған актер Том Холланд білдірген, деп хабарлайды Tengri Sport норвегиялықтың YouTube-арнасына сілтеме жасап.
Әлемдегі ең қымбат екі футболшының бірі Әлем чемпионаты кезінде әлеуметтік желілерде тараған өзі туралы мемдерге жауап берген видео жариялады.
Видеода ол тоқталған оқиғалардың бірі актер Том Холландқа қатысты болды. Голливуд жұлдызы фильмнің жаңа нұсқасында "Өрмекші-адам" суперқаһарманын, ал Ноланның "Одиссея" премьерасында Телемахтың рөлін сомдайды.
Актер кешкі шоулардың бірінде норвегиялықпен бірнеше жыл бұрын кездескісі келгенін, бірақ футболшы оған мән бермегенін айтқан болатын. Эрлинг бұл жағдайға қатысты пікір білдіруді жөн көрді.
"Оның хабарламасы 2021 жылдың 23 мамырында жіберілген. "Сәлем, Эрлинг, досым. Сені жаңа ғана Монакодан көрдім. Егер бірге уақыт өткізгің келсе, хабарлас және өтінемін, "Тоттенхэмге" ауысшы", - деп Холанд Холландтың сөзін келтірді.
Әңгімесін жалғастыра отырып, футболшы өткен жолы бұл туралы сұрағанда "Өрмекші-адамды" көрмегенін айтқаны үшін ыңғайсызданғанын жеткізді. Сонымен қатар шабуылшы болашақта актердің өтінішін орындауы мүмкін екенін жоққа шығармады.
"Менің сөзім біраз дөрекі шықты, өзімді ыңғайсыз сезінгендіктен оған: "Сізге мән бермеді деген қауесет тарап жатыр. Ондай ниетім болмағанын айтқым келеді. Ал "Тоттенхэмге" келетін болсақ, қазір сенімді емеспін, бірақ болашақта не боларын кім білсін!" деп хабарлама жібердім", - деді ойыншы.
Эрлинг Холанд ӘЧ-2026 кезінде супержұлдызға айналды
26 жастағы норвегиялық Әлем чемпионатына дейін де жұлдыз болатын - мысалы, оның Instagram парақшасында 40 миллионға жуық оқырман болды. Алайда, құраманың мундиальдағы өнерінен кейін Эрлингті бақылайтындардың саны 76 миллион адамға жетті.
"Манчестер Ситиде" Холанд Англия чемпионатын екі рет ұтып, Чемпиондар лигасында жеңіске жетіп үлгерді. Бұл ретте шабуылшы голдарды жаңбырша жаудырып жүр - оның еншісінде 354 гол бар, соның жетеуін Әлем чемпионатында соққан.
Сонымен қатар жанкүйерлерді оның мәртебесіне қарамастан адамдармен қарапайым тілдесуі баурайды, ал мемдерге өзін әжуалай жауап беруі шабуылшының осы мінезін айқындай түседі.
Еске сала кетейік, Норвегия құрамасы ӘЧ-2026-да 1/4 финалға дейін жетіп, онда болашақ қола жүлдегер Англияға есе жіберді. 1/8 финалда команда бес дүркін чемпиондар - бразилиялықтарды жеңіп, Эрлинг дубль жасаған болатын.
Ямаль мен Холанд 2026 жылғы Әлем чемпионатынан кейін әлемдік рекордты жаңартты
ӘЧ–2026 финалының төрешісі мансабын аяқтады: матч төбелеспен аяқталды
“Мұндайды әлі көрген жоқсыз“: ерекше автогол әлемдік БАҚ-ты таңғалдырды