Әлем чемпионаты кубогін испандарға табыстаған Трамп жеңісті бірге тойлады
АҚШ президенті Дональд Трамп футболдан әлем чемпиондары - Испания құрамасын марапаттау рәсіміне белсене қатысты. Жеңімпаздар кубокты салтанатты түрде көтерген сәтте саясаткер сахнадан кеткісі келмеді, деп хабарлайды Tengri Sport.
Испания құрамасы 2026 жылғы Әлем чемпионатының финалында Аргентина командасын жеңді. Ойыншыларға кубокты ФИФА басшысы Джанни Инфантино мен АҚШ президенті Дональд Трамп табыстады.
Трансляция кадрларынан байқалғандай, Америка көшбасшысы қуанышты командамен бірге бөлісуді қалап, подиум ортасынан кеткісі келмеген. Тек Инфантино Трамптан шетке шығуын сұрағаннан кейін ғана президент шетке тұрған.
Соған қарамастан, ол тойлауға қатысып, сахнада қалды.
???????????? ҚАРАҢЫЗ: Испания Әлем кубогын көтерген сәтте Джанни Инфантиноның президент Трампты шетке ысырған сәті pic.twitter.com/I5Ha0mUwfV
— Politics Global (@PolitlcsGlobal) 19 шілде, 2026 жыл
Айта кетейік, Трамп өткен жазда АҚШ-та өткен Клубтық әлем чемпионатының жеңімпаздарын марапаттау рәсімінде де дәл осылай әрекет еткен болатын.
Ол кезде де президент сахнада қалып, "Челсидің" жеңісін тойлау кезінде нақ ортадан табылды.
Еске сала кетейік, 2026 жылғы Әлем чемпионатының финалы алдында Дональд Трамп Аргентина құрамасына қолдау көрсететінін мәлімдеген еді. Нәтижесінде Месси бастаған команда Испания қақпасына бірде-бір дәл соққы бағыттай алмай, 0:1 есебімен есе жіберді.
Испания құрамасы - әлемнің екі дүркін чемпионы
Испаниялықтар әлемдік футболдың басты трофейін 16 жыл ішінде екінші рет және өз тарихында екінші рет жеңіп алғанын атап өткен жөн. 2010 жылы олар финалда Нидерланды құрамасын 2026 жылғы Аргентинамен болған матчтегідей есеппен ұтқан еді.
Ол кезде де матч тағдырын қосымша уақытта соғылған жалғыз гол шешкен болатын.
Испания Аргентинадан жеңісті жұлып алып, әлем чемпионы атанды.
Әлем чемпионатының финалдық матчы аяқталған соң Аргентина құрамасының жартылай қорғаушысы Леандро Паредес қарсыластарымен төбелес шығарды.
Ал Аргентина құрамасының капитаны Лионель Месси әлем чемпионатының финалындағы жеңілістен кейін көз жасына ерік берді.
Бұл матчте Месси әлем чемпионы атағымен бірге мундиалдар тарихындағы ең үздік сұрмерген атағынан да айырылып қалды. Бұл атаққа француз Килиан Мбаппе ие болды, ал оны бұл тұғырдан тайдыру мүмкіндігі тек төрт жылдан кейін туады.