“Рақмет, Конор“: Холлоуэй UFC турниріндегі Макгрегордың сәтсіздігі туралы пікір білдірді
Конор Макгрегор октагонға сәтсіз оралғаннан кейін оның қарсыласы Макс Холлоуэй әлеуметтік желіде оған арнап жазба жариялады.
Гавайлық спортшы ирландиялыққа жекпе-жек үшін алғыс айтып, тезірек сауығып кетуін тіледі.
"Бұл біз күткен нәтиже емес, бірақ Құдайдың жоспары әрқашан дұрыс. Конор, осы айқас үшін рақмет. Кейінгі бірнеше жылдағы қиындықтардан кейін октагонға шығу үлкен күш-жігерді талап етті. Саған тезірек сауығып кетуіңді тілеймін, дұғадамын. Отбасыма, командама, достарыма және мені қолдағандардың бәріне ерекше алғыс айтамын. Өміріміз қандай ғажайып десеңші. Келесі кездескенше", - деп жазды Холлоуэй.
Instagram-дағы бұл жарияланымды көру
Макс Холлоуэйдің (@blessedmma) жариялауы
Макгрегордың тарихи турнирдегі сәтсіздігі
Еске сала кетейік, UFC 329 турнирі аңызға айналған Конор Макгрегордың оралуымен ерекшеленуі тиіс еді, алайда жанкүйерлердің күткені мен қалауына қарамастан, жекпе-жек мерзімінен бұрын аяқталды.
Конор екі рет аяқпен соққы жасап, құлап түсті. Кейін бойын түзеп, қос соққы (двойка) жұмсады да, тағы да құлады. Екінші рет тұрғаннан кейін Макгрегор қатты ақсай бастады, содан соң рефери жекпе-жекті тоқтатты.
Нәтижесінде Макс Холлоуэй техникалық нокаутпен жеңіске жетті.
КОНОР МАКГРЕГОРДЫҢ ОРАЛУЫ 69 СЕКУНДҚА СОЗЫЛДЫМакгрегор 5 жылдық үзілістен кейін UFC-ге оралып, жекпе-жек нағыз қызған тұста тізесін жарақаттап алды. Рефери кездесуді дереу тоқтатты, Макс Холлоуэй техникалық нокаутпен (TKO) жеңіске жетті.- Бүкіл жекпе-жек 69 секундқа созылды- Макгрегор бір соққы жұмсады... https://t.co/waGOsp1s08 pic.twitter.com/Jeay01J5m0
— BuBBliK (@k1rallik) 12 шілде, 2026 жыл
Кейінірек түрлі дереккөздерден Макгрегордың тізе буынының айқас байламдары үзілгені немесе зақымдалғаны туралы ақпарат тарай бастады.
Конор Макгрегор осыдан бес жыл бұрынғы жекпе-жегінде сол аяғын жарақаттаған болатын. Бүгін ол оң тізесінен жарақат алып, жеңіліс тапты. pic.twitter.com/GCvBFvTfOx
— ESPN MMA (@espnmma) 12 шілде, 2026 жыл
Конор Макгрегордың 5 жылдағы алғашқы жекпе-жегі
Еске сала кетейік, атақты ирландиялық файтер UFC 264 турнирінен кейін тура 5 жыл бойы октагонға шықпаған болатын.
Сол кезде оған қарсы ымырасыз қарсыласы, америкалық Дастин Порье шыққан еді, ол кезде Конор екеуінің есебі 1:1 болатын.
Трилогия шулы әрі тартысты болады деп күтілген, бірақ жұлдызды ирландиялық бұл жекпе-жектегідей бірінші раундта-ақ аяғын жарақаттап алып, айқасты жалғастыра алмады.
Нәтижесінде оған техникалық жеңіліс есептеліп, Порье трилогияның жеңімпазы атанды.
Бұған дейін UFC жұлдызы, промоушеннің бұрынғы қос дүркін чемпионы - Конор Макгрегор октагонға сәтсіз оралғаннан кейін мәлімдеме жасады.