Ямаль Роналдуға қарсы ойнайды: 2026 жылғы ӘЧ-нің 1/8 финал матчтерін қайдан көруге болады?
Бүгінгі 1/8 финал матчтерде Португалия Испаниямен, ал АҚШ Бельгиямен кездеседі.
Ойындар Қазақстан уақытымен сағат 00:00-де және 05:00-де басталады.
Кездесулерді Qazsport телеарнасы, сондай-ақ, телеарнаның сайтында тікелей эфирде көруге болады.
Ямаль — Роналду: футболдың жас және аңыз жұлдыздары
Ойын күнінің алғашқы матчінде Португалия мен Испания кездеседі. Көрермендерді футболдың жас және аңыз жұлдыздары — Ламин Ямаль мен Криштиану Роналду арасындағы қызық текетірес күтіп тұр.
Командалар әлем чемпионатында кейінгі рет 2018 жылы топтық кезеңде кездескен болатын. Ол кезде матч 3:3 есебімен аяқталып, Роналду хет-трик жасаса, испандықтар сапынан Диего Коста (дубль) мен Начо Фернандес көзге түскен еді.2025 жылдың маусымында құрамалар Ұлттар лигасының финалында кубокты сарапқа салды. Негізгі уақыт 2:2 есебімен тең аяқталғанымен, пенальти сериясында португалиялықтардың бағы жанды.
Португалия — Испания матчі 7 шілдеде Қазақстан уақытымен сағат 00:00-де басталады.
Instagram-дағы бұл жарияланымды көру
433 (@433) жарияланымы
ӘЧ-дегі жанжал: АҚШ-тың алаңнан қуылған ойыншысы Бельгияға қарсы ойнайтын болдыБосния және Герцеговинамен өткен алдыңғы матчте өрескел фолы үшін алаңнан қуылған АҚШ құрамасының шабуылшысы Фоларин Балогун 1/8 финал кездесуге қатыса алады.
ФИФА-ның тәртіптік комитеті тарихта алғаш рет ойыншының қызыл қағазының күшін жойды.
Ақ үй ФИФА мен оның президенті Джанни Инфантинодан футболшыны алаңнан қуу туралы шешімді қайта қарауды тікелей сұраған.
Ал Дональд Трамп ФИФА-ға алғыс айтты.
Айта кетейік, командалар кейінгі рет жақында ғана, биыл наурызда кездескен. Жолдастық кездесу аясында бельгиялықтар америкалықтарды 5:2 есебімен ойсырата жеңген болатын.
АҚШ — Бельгия матчі 7 шілдеде Қазақстан уақытымен сағат 05:00-де басталады.
Instagram-дағы бұл жарияланымды көру
Belgian Red Devils (@belgianreddevils) жарияланымы