ӘЧ-2026: плей-офф үшін өтетін Португалия - Өзбекстан матчін қайдан көруге болады?
Алғашқы матчта португалиялықтар күтпеген жерден Конго ДР командасын жеңе алмады (1:1), ал Криштиану Роналду сынға ұшырады.Өзбекстандықтар бірінші турда Колумбиядан ұтылғанымен, өз тарихындағы Әлем чемпионаттарының алғашқы голын соқты (1:3).
Португалиялықтардан жеңілген жағдайда және қатар өтетін матчта конголықтар Колумбияны жеңсе, Өзбекстан құрамасы Әлем чемпионатының плей-офф кезеңіне шығу мүмкіндігінен айырылып қалуы мүмкін.Өзбекстан мен Португалия: өзара кездесулер
Португалия мен Өзбекстан командалары бұған дейін ешқашан кездеспеген. Статистикалық сайттардың бірінде құрамалар 2012 жылдың қыркүйегінде жолдастық кездесу өткізгені көрсетілген, бірақ басқа порталдар мәліметіне қарағанда, португалиялықтар мен өзбекстандықтар тек футзалдан ойнаған.
Роналду ӘЧ-2026-да Қазақстан тумасына қарсы
Айта кетейік, ӘЧ-2026-ның алғашқы матчінде Өзбекстан құрамасы қақпасын Қазақстанның Түркістан облысы, Сайрам ауданы, Сайрам ауылында дүниеге келген Өткір Юсупов қорғады.
Португалияға қарсы кездесуде де оның негізгі құрамда шығу ықтималдығы жоғары. Португалия сапында футбол тарихындағы үздік сұрмерген Криштиану Роналду бастаған барлық көшбасшы өнер көрсетеді.
Instagram-дағы бұл жарияланымды көру
Utkir Yusupov-тың (@utya1230) жарияланымы
Өзбекстан - Португалия: Қазақстанда қайдан және қашан көруге болады?Өзбекстан - Португалия матчі Қазақстан уақытымен 22:00-де басталады. Ойынды Qazsport арнасы, сондай-ақ телеарна сайты тікелей эфирде көрсетеді.
Instagram-дағы бұл жарияланымды көру
Portugal (@portugal) жариялаған жазба
ӘЧ-2026 К тобындағы командалардың жағдайы
Колумбия - 3 ұпай;
Конго ДР - 1 ұпай;
Португалия - 1 ұпай;Өзбекстан - 0 ұпай.
Өзбекстан құрамасы әлем чемпионатында жеңіліспен дебют жасады