БАҚ: ОАР-да өлтірілген ресейліктерді Парижге жеткізді
Телеарна "Шарль де Голль" әуежайы мен Ресейдің Орталық Африка республикасындағы елшілігіне сілтеме жасаған. Бұл хабарды басқадай ақпарат көздерінен анықтау әзірше мүмкін болмай отыр.
Ресейлік журналистер Орхан Джемаль, Кирилл Радченко мен Александр Расторгуев шілденің соңында Орталық Африка Республикасында белгісіз адамдардың қолынан қаза тапқан. Олар ОАР-ға ресейлік «Вагнер» жекеменшік әскери компаниясы жайлы деректі фильм түсіруге барған.