სომხეთის პრემიერ-მინისტრი: სამშვიდობო ხელშეკრულების ხელმოწერის გარეშე "სავარაუდოა"აზერბაიჯანთან კიდევ ერთი ომი
სომხეთის პრემიერ-მინისტრმა, ნიკოლ ფაშინიანმა განაცხადა, რომ აზერბაიჯანთან ახალი ომი კვლავ დიდი ალბათობით მოსალოდნელია, თუ ორ ქვეყანას შორის სამშვიდობო ხელშეკრულება არ დაიდო.
"სანამ სამშვიდობო ხელშეკრულება არ არის ხელმოწერილი და ასეთი ხელშეკრულება არ არის რატიფიცირებული ორი ქვეყნის პარლამენტების მიერ, რა თქმა უნდა, [ახალი] ომი [აზერბაიჯანთან] ძალიან სავარაუდოა", - თქვა ფაშინიანმა AFP-სთან ინტერვიუში, რომელიც გამოქვეყნდა 21 ივლისს.
მთიანი ყარაბაღის გარშემო ბოლო ომი ორ ქვეყანას შორის 2020 წლის ბოლოს ექვს კვირას გაგრძელდა და ორივე მხრიდან სულ 7000 ჯარისკაცი დაიღუპა. სომხეთის და აზერბაიჯანის წარმომადგენლებმა უმაღლეს დონეზე ევროკავშირის შუამავლობით გამართეს ბოლო კვირებში შეხვედრები, რომლებიც მიზნად ისახავდა სამშვიდობო შეთანხმების მიღწევას.
ამის ფონზე საზღვრის არეალებში სპორადული შეტაკებები მოხდა. დაძაბულობა კვლავ მაღალია ლაჩინის დერეფანში შექმნილი სიტუაციის გამო. დერეფანი ერთადერთი გზაა, რომელიც აკავშირებს სომხეთს აზერბაიჯანის კუთვნილ, სომხებით დასახლებულ მთიან ყარაბაღთან, რომლის გამო სომხეთსა და აზერბაიჯანს შორის დაპირისპირებაა უკვე ათწლეულებია.
2020 წლის ომის ბოლოს ზავის პირობებით, რომელიც რუსეთის შუამავლობით დაიდო, რუსეთმა არეალში განათავსა თავისი "სამშვიდობო ჯარი".