ლატვიამ არასასურველ პირებად გამოაცხადა თინა კანდელაკი და რუსეთის კიდევ 24 მოქალაქე
უკრაინის წინააღმდეგ რუსეთის სამხედრო აგრესიის მხარდაჭერის გამო, ლატვიამ არასასურველ პირებად გამოაცხადა და ქვეყანაში ჩასვლა აუკრძალა რუსეთის 25 მოქალაქეს. ამის შესახებ ლატვიის საზოგადოებრივი მაუწყებელი წერს საგარეო საქმეთა სამინისტროზე დაყრდნობით.
არასასურველ პირთა შორის არიან ტელეწამყვანი თინა კანდელაკი, კინორეჟისორი ნიკიტა მიხალკოვი, მსახიობი ვლადიმირ მაშკოვი, პიანისტი დენის მაცუევი, დირიჟორი ვალერი გერგიევი და რუსული პოპ-მუსიკის წარმომადგენლები მიხაილოვი, რასტორგუევი და სხვები.
ლატვიის საგარეო საქმეთა სამინისტროს განცხადებით, ეს პირები ამართლებენ უკრაინის წინააღმდეგ რუსეთის მიერ დაწყებულ ომს და მის პროპაგანდას ეწევიან.