აშშ მიესალმება თურქეთის „მკაფიო ვალდებულებას“ უზრუნველყოს ქაბულის საერთაშორისო აეროპორტის უსაფრთხოება
ავღანეთიდან მოკავშირეთა ჯარების გასვლის შემდეგ თურქეთი მზად არის საკუთარ თავზე აიღოს წამყვანი როლი ქაბულის საერთაშორისო აეროპორტის უსაფრთხოების უზრუნველყოფაში. ბრიუსელში გამართული ნატოს სამიტის ფარგლებში აშშ-ის და თურქეთის პრეზიდენტებმა, ჯო ბაიდენმა და რეჯეპ ტაიპ ერდოანმა „დეტალურად განიხილეს“ ქაბულის აეროპორტის ბედი.
„ორმა ლიდერმა დაავალა თავიანთ გუნდებს, რომ შეიმუშაონ საბოლოო დეტალები. მაგრამ ლიდერებმა მკაფიოდ დაადგინეს ვალდებულებები, რომ თურქეთი წამყვან როლს შეასრულებს ჰამიდ კარზაის სახელობის ქაბულის საერთაშორისო აეროპორტის უსაფრთხოებაში“, - განუცხადა 17 ივნისს ვაშინგტონში ჟურნალისტებს აშშ-ის პეზიდენტის მრჩეველმა ეროვნული უსაფრთხოების საკითხებში, ჯეიკ სალივანმა.
აშშ-ის პრეზიდენტ ჯო ბაიდენის ბრძანებით, კოალიციის ყველაზე მრავალრიცხოვანი ამერიკული დანაყოფი ავღანეთს 2001 წლის 11 სექტემბრის, ალ ყაიდის მიერ ვაშინგტონსა და ნიუ-იორკში განხორციელებული საავიაციო იერიშების მე-20 წლისთავზე დატოვებს.