„ქართული ოცნების" დეპუტატები ნინოწმინდის პანსიონატში შეხვედრებს 5 ივნისსაც გააგრძელებენ
„მნიშვნელოვანია რომ პროფესიონალები მუშაობენ. სოციალური მუშაკები არიან აქ, რომლებიც დარჩებიან ამ პანსიონში. ზოგადად, ეს დღეები იქნებიან ბავშვებთან ერთად. ჩვენც შევხვდით ბავშვებს, ვესაუბრეთ მათ, მნიშვნელოვანი არის ერთი რამე, უპირველეს ყოვლისა არის ბავშვის ინტერესი. ბავშვების ინტერესი ახლა არის, რომ მშვიდ გარემოში მოხდეს შესწავლა მათი მდგომარეობის", - თქვა შალვა პაპუაშვილმა.
ბექა დავითულიანი და შალვა პაპუაშვილი პანსიონატში შეხვედრებს 5 ივნისსაც გააგრძელებენ.
„ხვალ მეუფესთან სასულიერო პირებთან და აღსაზრდელებთან ერთად დავიწყებ მუშაობას იმისთვის, რომ ყველა ბავშვის უფლება იყოს სრულად დაცული. ეს არის ყველას მიზანი და ამოცანა", - ამბობს ბექა დავითულიანი.
სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს ცნობით, ნინოწმინდის პანსიონატის დატოვების სურვილი 16-მა ბავშვმა გამოთქვა.
ორი დღის წინ, ნინო ლომჯარიამ სამართალდამცავი უწყებებისგან მიღებული ინფორმაციის საფუძველზე განაცხადა, რომ 4 გამოძიებაა დაწყებული ძალადობის, მათ შორის სექსუალური ძალადობის სავარაუდო ფაქტებზე,
3 ივნისს რადიო თავისუფლებას პანსიონში ფიზიკური და ფსიქოლოგიური ძალადობის ფაქტებზე უამბო 19 სლის ბიჭმა, რომელმაც პანსიონი 15 წლის ასაკში დატოვა.