ხაშურის რესურსცენტრის უფროსი რეპეტიტორებს მოუწოდებს სახლშიც დაიცვან ჯანდაცვის რეკომენდაციები
„რასაც საქმიანობთ, ეს თქვენი შრომის, დაღლის და ჯაფის ფასია და ვერავინ ვერასდროს დაგაყვედრით. თქვენი ნებაა გასწიოთ მომსახურება და დარწმუნებული ვარ, ყველა საკუთარი ნებით ემზადება თქვენთან, მაგრამ COVID-ის წინააღმდეგ სახლშიც დაიცავით რეკომენდაციები, გთხოვთ (პირბადე, დისტანცია, ოთახის განიავება). ერთი რეპეტიტორის კლასტერით, 4 სხვადახვა სკოლაში გააჩნდა ინფექციის კერა", - აცხადებს რესურსცენტრის უფროსი ზვიად გოგუაძე.
დღევანდელი მონაცემებით შიდა ქართლის რეგიონში კორონავირუსის 32 ახალი შემთხვევაა გამოვლენილი. ჯამში რეგიონში ინფიცირებულთა რაოდენობა -1092-ია