როიტერსი: განვითარებული ცენტრიფუგების ამოქმედებით ირანი ბირთვულ შეთანხმების პირობებს დაარღვევს  

ირანი გეგმავს უფრო განვითარებული ცენტრიფუგები დააყენოს მიწისქვეშა ბირთვულ საწარმოში, რაც მსოფლიოს ქვეყნებთან დადებული შეთანხმების დარღვევა იქნება, იტყობინება როიტერსი 4 დეკემბერს და იმოწმებს ბირთვული ენერგეტიკის საერთაშორისო სააგენტოს. სააგენტოს დახურული ანგარიშში, რომელიც როიტერსმა მოიპოვა, ნათქვამია, რომ ირანი გეგმავს   IR-2m-ის ტიპის განვითარებული  ცენტრიფუგების კიდევ სამი ჯგუფი დააყენოს თავის მიწისქვეშა ბირთვულ საწარმოში, ნათანზში, თეირანიდან 300 კილომეტრში.

2015 წელს გაეროს უშიშროების საბჭოს წევრებსა და  გერმანიასთან მიღწეული ბირთვული შეთანხმების თანახმად, ირანს შეუძლია აამოქმედოს უფრო ნაკლები ეფექტის მქონე IR-1-ის ტიპის ცენტრიფუგები მიწისქვეშა რეაქტორზე.

ირანმა ახლახან დაიწყო ურანის გამდიდრება IR-2m-ის ორი ჯგუფის ცენტრიფუგების მეშვეობით და გეგმავს კიდევ ორი ასეთი ჯგუფის ამოქმედებას, ავრცელებს როიტერსი ცნობას ბირთვული სააგენტოს ანგარიშზე დაყრდნობით. ეს აქტი ერთ-ერთი ნაწილია დარღვევათა სერიისა, რომელსაც ირანი მიმართავს იმის საპასუხოდ, რომ აშშ-ის პრეზიდენტმა, დონალდ ტრამპმა დატოვა ბირთვული შეთანხმება და  ირანს ახალი დამსჯელი სანქციები დაუწესა.