თბილისში დაჭრეს ორი ახალგაზრდა კაცი
საგამოძიებო მოქმედებები მიმდინარეობს თბილისში, დავით კლდიაშვილის ქუჩაზე, სადაც ორი ახალგაზრდა მამაკაცი, სავარაუდოდ, ცეცხლსასროლი იარაღით დაჭრეს.
ამ დროისთვის არავინ დაუკავებიათ. როგორც რადიო თავისუფლებას უთხრეს შინაგან საქმეთა სამინისტროს პრესსამსახურში, გამოძიება დაწყებულია სისხლის სამართლის კოდექსის 118-ე (ჯანმრთელობის განზრახ ნაკლებად მძიმე დაზიანება) და 236-ე (ცეცხლსასროლი იარაღის მართლსაწინააღმდეგო შეძენა, შენახვა, ტარება, ან გასაღება) მუხლებით.