ნიკა მელია: გვაქვს შანსი, პოლიტიკიდან გავაცილოთ ეს ახალგაზრდაც – ირაკლი კობახიძე
გაერთიანებული ოპოზიციის მაჟორიტარობის კანდიდატმა გლდანში, ნიკა მელიამ არჩევნების მნიშვნელობაზე ნიკა გვარამიას გადაცემაში “მთავარი აქცებტები” ისაუბრა.
მისი თქმით, ივანიშვილთან ერთად ხვალინდელი დღე იქნება პოლიტიკიდან ირაკლი კობახიძის გაცილების დღეც.
“მივესალმები უკლებლივ ყველა პარტიის ამომრჩეველს, ყველას გვყავს ჩვენი ამომრჩეველი, ყველა საერთო საქმეს ვაკეთებთ: დილით ადრე ავდგეთ, მივიდეთ არჩევნებზე და ოლიგარქი დამარცხდება.
ამასთან, გვაქვს შანსი, პოლიტიკიდან გავაცილოთ ეს ახალგაზრდაც – ირაკლი კობახიძე, რომელმაც თქვა, რომ თუ მე მოვიგებ გლდანს, წავა პოლიტიკიდან”, – განაცხადა ნიკა მელიამ.