აშშ-მა ახალი სანქციები დაუწესა ირანის თავდაცვის და ბირთვულ სფეროსთან დაკავშირებულ პირებს და ფირმებს

აშშ-მა დაუწესა სანქციები ორ ათეულზე მეტ პირსა და ფირმას, რომლებიც ჩართული არიან ირანის ბირთვულ საქმიანობაში, ან სარაკეტო და ჩვეულებრივი შეიარაღების სფეროში, როცა ვაშინგტონი ცდილობს ცალმხრივად განახორციელოს გაეროს იარაღის ემბარგო ირანის მიმართ.


დამსჯელი სანქციები ნაწილია ტრამპის ადმინისტრაციის შეტევისა ახალი სანქციებით, რაც ნაწილობრივ ეფუძნება გაეროს ადრინდელი სანქციების ეგრეთ წოდებულ, snapback-ს, აღდგენას, რომელსაც შეიცავს 2015 წლის ბირთვული შეთანხმება თეირანსა და მსოფლიოს ქვეყნებს, გაეროს უშიშროების საბჭოს წევრებს და გერმანიას შორის. ამ შეთანხმებას ვაშიგტონი 2018 წელს გამოეყო.


„აშშ-მა ახლა აღადგინა გაეროს სანქციები ირანის მიმართ“, განაცხადა დონალდ ტრამპმა მას მერე, რაც ხელი მოაწერა აღმასრულებლ განკარგულებას, რომელიც განმარტავს, როგორ აპირებს ვაშიგნტონი "snapback"-ის განხორციელებას.


„ჩემმა ქმედებებმა დღეს ცხადი გზავნილი გადასცა ირანის რეჟიმს და მათ, ვინც უარს ამბობს ირანს წინ აღუდგეს“, აცხადებს ტრამპი.


ახალი სანქციები აშშ-ს შესაძლებლობას აძლევს გაატაროს ზომები, აქტივების გაყინვის ჩათვლით, ყველა ფირმისა და პირის მიმართ, ვინც ირანს ეხმარება, აიცილოს გაეროს ემბარგო.


21 სექტემბრის სანქციებს ორი დღის წინ უსწრებდა ვაშინგტონის მიერ ცალმხრივად გამოცხადებული იარაღის აკრძალვა.


ტრამპის ადმინისტრაციის სწრაფვას მოჰყვა ჩინეთის და რუსეთის წინააღმდეგობა და გაზარდა უთანხმოება ვაშინგტონსა და ზოგიერთ ევროპელ მოკავშირეს შორის აშშ-ის სამართლებრივი უფლების გარშემო, აღადგინოს ემბარგო.