TI: ზუგდიდში ყინულის მოედნის მშენებლობაზე 8 მლნ დაიხარჯა და ის ისევ არ აქვს
"საერთაშორისო გამჭვირვალობა - საქართველოს" ინფორმაციით, ზუგდიდში ყინულის აშენების მესამე მცდელობაა და 7 9996 496 ლარის დახარჯვის მიუხედავად, ის ქალაქს მაინც არ აქვს. ორგანიზაციამ მოედნის ორჯერ აშენებისა და ორჯერ დაშლის ხარჯები დათვალა.
"საერთაშორისო გამჭვირვალობა - საქართველოს" მიერ დათვლილი ხარჯები:
პირველად ყინულის მცირე ზომის მოედანი ზუგდიდში 2007 წელს აშენდა, რაზეც 1,4 მილიონი ლარი დაიხარჯა, თუმცა იგი 2011 წელს დაშალეს და საჩუქრად ქუთაისის მუნიციპალიტეტს გადასცეს;
ოლიმპიური სტანდარტების ყინულის მოედნის მშენებლობა 2011 წელს დაიწყო, მის მშენებლობა/რეაბილიტაციაზე, მოვლა-პატრონობასა და თანამშრომელთა შრომის ანაზღაურებაზე 2011 წლიდან დღემდე 6 381 796 ლარი დაიხარჯა;
ახალი მოედნის მშენებლობა 2015 წელს დასრულდა, ის სხვადასხვა ხარვეზებისა და დაზიანებების გამო 2019 წლის თებერვლამდე ვერ გაიხსნა, ამ პერიოდში კი მოედანს რეაბილიტაცია ორჯერ - 2016 და 2018 წლებში ჩაუტარდა;
2020 წლის ივლისში დაიწყო ყინულის მოედნის დემონტაჟის პროცესი, რაზეც 214 700 ლარი იხარჯება, მოედნის დემონტაჟი კი მას მერე გახდა საჭირო, რაც ტერიტორია, სადაც იგი იყო განთავსებული, აუქციონზე გაიყიდა.