სულ მცირე 10 კაცი დაიღუპა ბეირუთში აფეთქების შედეგად
ლიბანის დედაქალაქ ბეირუთში პორტის ტერიტორიაზე მომხდარი მძლავრი აფეთქების შედეგად სულ მცირე 10 ადამიანი დაიღუპა.
გავრცელებულ ვიდეოში ჩანს, რომ აფეთქებამდე ცეცხლი უკიდია ერთ-ერთ შენობას, სავარაუდოდ, საწყობს.
„ლიბანის უსაფრთხოების სამსახურისა და სამედიცინო უწყების წყაროების ცნობით, ბეირუთში მომხდარი აფეთქების შედეგად დაიღუპა 10 ადამიანი“, - ციტირებს „როიტერი“ ადგილობრივი მედიით გავრცელებულ ცნობას.
ლიბანის ჯანდაცვის მინისტრმა ხამად ხასანმა განაცხადა, რომ აფეთქების შედეგად დაშავებულია „მრავალი ადამიანი“.
ადგილობრივი მედიის ცნობით ნანგრევებში მოყვა ათობით ადამიანი.
ინცინდენტის ადგილზე მყოფი ჟურნალისტების ყვებიან, რომ აფეთქება წააგავდა „მიწისძვრას“.