საქართველოში მოხუცთა თავშესაფრებსა და შშმ პირების პანსიონატებში ტესტირება დაიწყება
მინისტრის თანახმად, ტესტირება დაიწყება მოხუცებულთა თავშესაფრებსა და სათემო პანსიონატებში, სადაც შშმ პირები იმყოფებიან, მათ შორის როგორც ბავშვები, ასევე ზრდასრულები:
„რათა მოხდეს ამ ჯგუფების დეტალური შესწავლა და არ მოხდეს შემთხვევით ამ ინფექციის გავრცელება, რაც ნამდვილად იქნება სარისკო ამ ჯგუფებისთვის“, - განაცხადა ეკატერინე ტიკარაძემ.
მინისტრმა არ გამორიცხა, რომ მოწყვლად ჯგუფებში ტესტირება ხვალვე დაიწყოს, თუმცა დასძინა, რომ კონკრეტული თარიღი გამოცხადდება გარკვეული დოკუმენტური პროცედურების დასრულების შემდეგ.