პაატა იმნაძე უხარისხო სწრაფ ტესტებზე: ჭრელო პეპელა, ნურც გაფრინდები, ნურც მოფრინდებიო
![პაატა იმნაძე უხარისხო სწრაფ ტესტებზე: ჭრელო პეპელა, ნურც გაფრინდები, ნურც მოფრინდებიო](https://gdb.rferl.org/33B83C7F-217A-433C-9697-E9549F696194_w800_h450.jpg)
დაავადებათა კონტროლისა და საზოგადოებრივი ჯანდაცვის ცენტრის დირექტორის მოადგილე პაატა იმნაძე ამბობს, რომ ქვეყანა ხარისხიან სწრაფ ტესტებს ელოდება. საკოორდინაციო საბჭოს სხდომის დასრულების შემდეგ გამართულ ბრიფინგზე დასმულ კითხვაზე, ნიშნავს თუ არა უკვე არსებული სწრაფი ტესტების უხარისხობას ის, რომ გუშინ PCR კვლევით ახალი კორონავირუსი არ დაუდასტურდა ექიმს, რომელსაც სწრაფმა ტესტმა ინფიცირება უჩვენა, მან განაცხადა:
„მე რომ ვამბობდი მაგას, ჯერ თავი შევიკავოთ-მეთქი, რატო არ არიო? რო ვთქვი, ა, ბატონო, არის-თქო, რატო არიო? რა ვქნა ეხლა, ჭრელო პეპელა, ნურც გაფრინდები, ნურც მოფრინდებიო.
ვამბობ და ვიძახი, ველოდებით ხარისხიან სწრაფ ტესტებს. დღეს ვაკეთებთ რაც არის, ასე ვთქვათ, ოქროს სტანდარტი, იმას ვაკეთებთ სწრაფად, რასაც სხვა ქვეყნებში დღეები სჭირდება“, - აღნიშნა პაატა იმნაძემ.
3 აპრილის 15 საათის მდგომარეობით, საქართველოში დადასტურებულია კორონავირუსით დაავადების 148 შემთხვევა. მათგან 27 გამოჯანმრთელებულია.