დონალდ ტრამპი: შეთანხმებას მივაღწიეთ ნავთობის გარშემო რუსეთსა და საუდის არაბეთს შორის
ტრამპმა განაცხადა, რომ ელაპარაკა ორივეს, რუსეთის პრეზიდენტს, ვლადიმირ პუტინს და საუდის არაბეთის ტახტის მემკვიდრეს, მოჰამად ბინ სალმანს, 2 აპრილს, თუმცა საუბრის დეტალები, როგორ უნდა მოხდეს წარმოების შემცირება, არ გაუმხელია.
ტრამპის თქმით, რუსეთმა და საუდის არაბეთმა უნდა შეამცირონ მოპოვება დღეში 10-15 მილიონი ბარელით, რაც უპრეცედენტო რაოდენობას წარმოადგენს და უდრის მსოფლიო მოპოვების 10-15 პროცენტს. ასეთი შემცირება საჭიროებს ოპეკის - ნავთობის მწარმოებელი ქვეყნების ორგანიზაციის - გარეთ მყოფი ქვეყნების და მათი მოკავშირეების მონაწილეობას. აშშ-ის პრეზიდენტმა განაცხადა, რომ შუამავლობისას ის არავითარ დათმობაზე არ წასულა საუდის არაბეთსა და რუსეთთან, როგორიცაა, მაგალითად, აშშ-ში შიდა წარმოების შემცირება.
რუსეთსა და საუდის არაბეთს შორის უთანხმოებაა მარტის დასაწყისიდან, როცა მათ ვერ შეძლეს მორიგება წარმოების შეზღუდვის შესახებ კორონავირუსის გავრცელების გამო. მას შემდეგ პანდემიამ გამოიწვია ეკონომიკური აქტივობის შეჩერება და ნავთობის ფასების მკვეთრი დაცემა.