საქართველოში კორონავირუსი დადასტურდა - რა არ უნდა გამოგრჩეს 27 თებერვალს
რა ვიცით პაციენტის შესახებ, რომელსაც კორონავირუსი დაუდასტურდა?
დღის ბოლოს ჯანდაცვის მინისტრმა მთავრობის ადმინისტრაციაში გამართულ ბრიფინგზე თქვა, რომ თბილისის ინფექციურ საავადმყოფოში მყოფი ერთი პაციენტი კორონავირუსის მატარებელია. ამ დროისთვის ცნობილია შემდეგი:
პაციენტი 50 წლის მამაკაცია
ის საქართველოს მოქალაქეა
პაციენტი თავს კარგად გრძნობს
ის ირანში მოგზაურობდა და ქვეყანაში სახმელეთო საზღვრით, აზერბაიჯანიდან შემოვიდა
საბაჟოზე ის ორმა მებაჟემ შეამოწმა, რომლებიც სრულად იყვნენ ეკიპირებულები, თუმცა ისინი კარანტინს მაინც გაივლიან
ამჟამად კარანტინში იმყოფება კიდევ ერთი ადამიანი, რომელიც მასთან ერთად მგზავრობდა, თუმცა მას არ დაუდასტურდა ვირუსი. ასევე არ უდასტურდება კორონავირუსი დანარჩენ 13 პაციენტს, რომლებიც 26 თებერვალს შეამოწმეს.
ორი კვირით შეიზღუდება ირანის მოქალაქეების მიმოსვლა საქართველოში, ისევე, როგორც საქართველოს მოქალაქეების - ირანში. ჯანდაცვის მინისტრის თქმით საგანგებო მდგომარეობის გამოცხადების საჭიროება არ არსებობს. არც სასწავლო პროცესის შეჩერება იგეგმება.
ნახე ბრიფინგის ვიდეო ან წაიკითხე მეტი
ამ თემაზე ასევე ნახე:
სააფთიაქო ქსელებში პირბადეების დეფიციტია
კიდევ უფრო მეტი ქვეყანა აცხადებს კორონავირუსის ახალი შემთხვევების შესახებ
დეკანოზ გიორგი მამალაძის სასჯელის გადავადებაზე სასამართლო დღეს იმსჯელებს
დეკანოზ გიორგი მამალაძის სასჯელის გამოჯანმრთელებამდე გადავადების საკითხზე თბილისის საქალაქო სასამართლო დღეს იმსჯელებს.
როგორც EMC-ს იურისტმა, თამთა მიქელაძემ უთხრა რადიო თავისუფლებას, პროცესში მონაწილეობას თავად მსჯავრდებული დეკანოზიც აპირებს. თუ ეს ვერ მოხერხდება, სხდომა გადაიდება და მოგვიანებით სამედიცინო დაწესებულებაში შედგება.
დეკანოზი მამალაძე 2019 წლის 22 თებერვლიდან საქართველოს იუსტიციის სამინისტროს სამკურნალო დაწესებულებაში იმყოფება. მას პარალიზებული აქვს მარჯვენა ზედა და ქვედა კიდური და ვერ ახერხებს დამოუკიდებლად გადაადგილებას.
წაიკითხე მეტი
აფხაზეთის დე ფაქტო რესპუბლიკის ვიცე-პრემიერი - არანაირი დიალოგი საქართველოსთან
აფხაზეთის დე ფაქტო რესპუბლიკის ვიცე-პრემიერი და პრეზიდენტობის კანდიდატი ადგურ არძინბა საქართველოსთან დიალოგის წინააღმდეგია, მან ამის შესახებ აფხაზეთის დე ფაქტო თავდაცვის სამინისტროს წარმომადგენლებთან წინასაარჩევნო შეხვედრაზე განაცხადა.
„თქვენ იცით, როგორი ძლიერი მხარდაჭერა აქვს ჩვენს მტერს. ისინი დღედაღამ აძლიერებენ თავიანთ ჯარს. საქართველოსთან არანაირი დიალოგი არ უნდა იყოს. ის ჩვენი მტერია. ამაზე ფიქრიც დაუშვებელია. ჩვენ გვაქვს ენერგეტიკის საკითხები, რომლებზეც ერთად ვმუშაობთ. ვისთან უნდა გვქონდეს დიალოგი? იმ ადამიანებთან, რომლებიც დილიდან საღამომდე სწავლებებს გადიან და წარმოუდგენიათ, თუ როგორ გადმოსხდებიან სოხუმში? აღიარონ ჩვენი დამოუკიდებლობა, ისაუბრონ იმ ზარალზე, რაც ჩვენს ეკონომიკას მიაყენეს. შემდეგ ვისაუბრებთ“, - აღნიშნა არძინბამ.
წაიკითხე მეტი
როგორ ხვდება საქართველოს ჯანდაცვა კორონავირუსს?
კორონავირუსმა საქართველოში უკვე შემოაღწია. როგორც უსაფრთხო ზონა, ქვეყანა აქამდე "ა გეგმით" მუშაობდა, ახლა კი მასთან ერთად "ბ გეგმაც" ამოქმედდება.
სპეციალისტები ამბობენ, რომ დღეს, მსოფლიოში არსებული ეპიდემიური მდგომარეობისა და ტენდენციის გათვალისწინებით, საქართველოში ვერ განვითარდება იმგვარი სიტუაცია, რომ ქვეყანაში შეიქმნას საწოლების, მედპერსონალის, მედიკამენტების დეფიციტის პრობლემა.
ნინო თარხნიშვილმა კი გადაამოწმა რამდენად მომზადებული ხვდება საქართველო კორონავირუსის შესაძლო გავრცელებას. მან დაითვალა ექიმების რაოდენობა, ინფექციური საავადმყოფოს საწოლები, ბოქსირებული პალატები, პირბადეები და მოკლედ, ყველაფერი რაც იმ შემთხვევისთვის არის საჭირო, თუ ქვეყანაში ვირუსი გავრცელებას დაიწყებს.
წაიკითხე მეტი
ინფექციური საავადმყოფოდან, სადაც 14 პაციენტი კორონავირუსზე მოწმდებოდა, მოულოდნელად ჟურნალისტებთან ირანელი მამაკაცი გამოვიდა. მან მოკლე განცხადება გააკეთა ინგლისურ ენაზე, რის შემდეგაც ექიმებმა ის ძალით შეაბრუნეს საავადმყოფოში.