ზელენსკიმ 26 თებერვალი ყირიმის ოკუპაციის მიმართ წინააღმდეგობის დღედ გამოაცხადა
უკრაინის პრეზიდენტმა ვოლოდიმირ ზელენსკიმ გამოსცა ბრძანებულება, რომლის თანახმად, 26 თებერვალს ოფიციალურად აღნიშნავენ 2014 წელს რუსეთის მიერ ყირიმის ანექსირებას. რუსეთმა ყირიმი 2014 წლის მარტში ჩაიგდო ხელში მას შემდეგ, რაც ჯარები გაგზავნა ნახევარკუნძულზე და ჩაატარა რეფერენდუმი, რომელიც უკანონოდ ცნო ასზე მეტმა ქვეყანამ. იმავე წლის აპრილში რუსეთმა დაიწყო სეპარატისტთა მხარდაჭერა აღმოსავლეთ უკრაინაში. იქ მიმდინარე ბრძოლებმა დღემდე 13 ათასამდე ადამიანის სიცოცხლე შეიწირა.
26 თებერვალი შეირჩა როგორც „ყირიმისა და სევასტოპოლის ოკუპაციის მიმართ წინააღმდეგობის დღე“, ვინაიდან ამ დღეს, 2014 წელს, უკრაინელებმა ყველაზე დიდი საპროტესტო აქცია გამართეს სიმფეროპოლში, მას მერე, რაც პრომოსკოვური ორიენტაციის პრეზიდენტ ვიქტორ იანუკოვიჩის ჩამოგდების შემდეგ რუსეთმა ყირიმი ჩაიგდო ხელში, ნათქვამია ზელენსკის კანცელარიის განცხადებაში.
უკრაინის პრეზიდენტმა ასევე განაცხადა, რომ უკრაინისთვის ყირიმის დაბრუნება არის მისი არა მხოლოდ როგორც სახელმწიფოს მეთაურის მიზანი, არამედ როგორც უკრაინის მოქალაქის პირადი შეხედულებაც.
კრემლის პრესმდივანმა დმიტრი პესკოვმა განაცხადა, რომ ეს ნაბიჯი „არ შეესაბამება ყირიმის გარშემო რეალურ ვითარებას“. მისი თქმით, ის „კატეგორიულად“ ეწინააღმდეგება ზელენსკის ბრძანებულების ტექსტს.