კორონავირუსით იტალიაში ერთი კაცი დაიღუპა
იტალიაში შაბათს ერთი კაცი დაიღუპა კორონავირუსით, რაც ამ ახალი ვირუსის გავრცელების შემდეგ ევროკავშირში დაინფიცირებული ადამიანის გარდაცვალების პირველი შემთხვევაა.
იტალიის ჯანდაცვის მინისტრის, რობერტო სპერანცას, თანახმად, გარდაცვლილი იტალიის ვენეტოს რეგიონის 78 წლის ბინადარია. პაციენტი 10 დღის განმავლობაში მკურნალობდა საავადმყოფოში.
მთლიანობაში იტალიაში დაფიქსირდა კორონავირუსით დაინფიცირების 20 შემთხვევა.
ლომბარდიის რეგიონში კარანტინში იმყოფება 150 კაცი.
COVID-19 -ის ვირუსმა დეკემბრის ბოლოს დაიწყო გავრცელება ჩინეთში. კორონავირუსით დღეისათვის დაავადებულთა რაოდენობა მთელ მსოფლიოში 78 ათასს არწევს, აქედან 76 ათასი - ჩინეთიდანაა.
ბოლო მონაცემებით, ვირუსით დაიღუპა 2360 კაცი.
ამასთან, 20 ათასზე მეტი ადამიანი განიკურნა და გაეწერა საავადმყოფოებიდან.