ცნობილია რუსეთის განახლებული მთავრობის შემადგენლობა

რუსეთის პრეზიდენტმა ვლადიმირ პუტინმა ხელი მოაწერა ბრძანებულებას ახალი მთავრობის სტრუქტურისა და შემადგენლობის შესახებ მიხაილ მიშუსტინის თავმჯდომარეობით.


პრემიერ-მინისტრს ეყოლება ცხრა მოადგილე, ერთ-ერთი მათგანი იქნება პირველი ვიცე-პრემიერი. ეს იქნება ანდრეი ბელოუსოვი, რომელიც ადრე რუსეთის პრეზიდენტის თანაშემწე იყო. საგრძნობლად განახლდა ვიცე-პრემიერების სია.


დანიშნულ პირთა სიის თანახმად, რომელიც 21 იანვარს გამოქვეყნდა, თანამდებობები შეინარჩუნეს საგარეო საქმეთა მინისტრმა სერგეი ლავროვმა და თავდაცვის მინისტრმა სერგეი შოიგუმ. თანამდებობები შეინარჩუნეს აგრეთვე ფინანსთა მინისტრმა ანტონ სილუანოვმა, ენერგეტიკის მინისტრმა ალექსანდრ ნოვაკმა და სოფლის მეურნეობის მინისტრმა დმიტრი პასტუშევმა. პერმის გუბერნატორი მაქსიმ რეშეტნიკოვი ეკონომიკის მინისტრი ხდება. ამ თანამდებობაზე ის მაქსიმ ორეშკინს შეცვლის.


 „გულითადად გისურვეთ წარმატებას... ეს ჩვენი ქვეყნის ინტერესებშია“, განაცხადა პუტინმა კაბინეტთან შეხვედრაზე, რომელიც ტელევიზიით გადაიცა.


პრემიერ-მინისტრ დმიტრი მედვედევის მთავრობა 15 იანვარს გადადგა, როცა პუტინმა საკონსტიტუციო ცვლილებების შესახებ გამოაცხადა. მედვედევი უშიშროების საბჭოს მდივნის მოადგილედ დაინიშნა.