აშშ-მა და ჩინეთმა ხელი მოაწერეს ახალ სავაჭრო ხელშეკრულებას
აშშ-მა და ჩინეთმა ხელი მოაწერეს ახალ სავაჭრო ხელშეკრულებას. ის ითვალისწინებს აშშ-დან ჩინეთში იმპორტის მნიშვნელოვან გაზრდას მომდევნო რამდენიმე წლის განმავლობაში, ასევე ჩინურ საქონელზე ამერიკული გადასახადების შემცირებას. პეკინსა და ვაშინგტონს შორის სავაჭრო დავა უკანასკნელი ორი წლის განმავლობაში მიმდინარეობს. აშშ ჩინეთს ბრალს სდებს პროტექციონიზმში და ტექნოლოგიის მოპარვაში. ადრე ვაშინგტონმა დამატებითი გადასახადი შემოიღო ჩინურ პროდუქციაზე. საპასუხოდ ჩინეთმა ანალოგიურ ზომებს მიმართა. ამჟამინდელი შეთანხმების ხელმოწერას აშშ-ის პრეზიდენტმა დონალდ ტრამპმა „შეცდომის გასწორება“ უწოდა. როგორც ვარაუდობენ, მალე უნდა დაიწყოს სავაჭრო ხელშეკრულების მეორე ფაზის განხილვა. კერძოდ, იგეგმება გადასახადების შემდგომი შემცირება, ასევე ჩინეთის სახელმწიფო სუბსიდიების საკითხის განხილვა.