ნიკა გვარამია სუს-ში გამოკითხვაზე მისვლას არ აპირებს
„მთავარი არხის“ გენერალური დირექტორი ნიკა გვარამია 6 დეკემბერს სახელმწიფო უსაფრთხოების სამსახურში გამოკითხვაზე მისვლას არ აპირებს.
როგორც რადიო თავისუფლებას ადვოკატმა დიმიტრი საძაგლიშვილმა უთხრა, ის მხოლოდ მაგისტრატი მოსამართლის თანდასწრებით ჩვენების მიცემაზე არის თანახმა. საძაგლიშვილის თქმით, მათ მოგვიანებით შეატყობინებენ, როდის მოუწევთ სასამართლოში გამოცხადება.
სუს-ის პრესსამსახურში გვითხრეს, რომ ნიკა გვარამია მიმდინარე გამოძიების ფარგლებში არის დაბარებული. დიმიტრი საძაგლიშვილის ინფორმაციით, ეს „ფეისბუკზე“ დაწერილ ნიკა გვარამიას ტექსტს უკავშირდება.
„უზურპატორი, თავის ხუნვეიბიენებიან მანქურთებიანად, უნდა დ ა ვ ა მ ხ ო თ !“ - დაწერა 3 დეკემბერს ნიკა გვარამიამ.