ბელარუსში ტარდება პარლამენტის წარმომადგენელთა პალატის რიგგარეშე არჩევნები
საარჩევნო უბნები ადგილობრივი დროით 8:00-ზე გაიხსნა და 20:00-ზე დაიხურება.
არჩევნები ტარდება ერთმანდატიან საარჩევნო უბნებში, მაჟორიტარული პრინციპით. არჩევნები ჩატარებულად ჩაითვლება, თუ კენჭისყრაში საარჩევნო ხმის უფლების მქონეთა ნახევარზე მეტი მიიღებს მონაწილეობას.
არჩევნებში მონაწილეობის უფლება ბელარუსის 6,5 მილიონ მოქალაქეს აქვს. დაახლოებით 36%-მა პროცენტმა ვადამდე ადრე, 12-16 ნოემბერს მიიღო კენჭისყრაში მონაწილეობა.
ცენტრალური საარჩევნო კომისიის თანახმად, ვადამდელ კენჭისყრაში დარღვევები არ დაფიქსირებულა. მაგრამ მეთვალყურეები აცხადებენ, რომ ოთხდღიან ვადამდელ კენჭისყრაში ამომრჩეველთა მონაწილეობის მაჩვენებლები ხელოვნურადაა გაბერილი.
არჩევნების წინ მინსკში ასამდე ადამიანმა გამართა პიკეტი. ამის შემდეგ ისინი ცენტრალურ საარჩევნო კომისიაში გაემართნენ. აქციის მონაწილეებს ეჭირათ ბელარუსის ისტორიული დროშები და ევროკავშირის დროშები. 90-იანი წლებიდან მოყოლებული, ევროკავშირსა და აშშ-ს რესპუბლიკაში გამართული არცერთი არჩევნები არ უცვნიათ პატიოსნად და დემოკრატიულად.
ბელარუსის საპარლამენტო არჩევნები გაისად უნდა გამართულიყო. მაგრამ პრეზიდენტმა ალექსანდრ ლუკაშენკამ ის შემოდგომისთვის გადმოიტანა, ზაფხულში კი ჩატარდება საპრეზიდენტო არჩევნები. ლუკაშენკამ განაცხადა, რომ აპირებს მასში საკუთარი კანდიდატურის წამოყენებას.