გრიგოლ ვაშაძე: ვიწყებთ პარლამენტის პიკეტირებას
![გრიგოლ ვაშაძე: ვიწყებთ პარლამენტის პიკეტირებას](https://gdb.rferl.org/1F6F2549-9817-4F0B-A8B1-302C113E9AF3_w800_h450.jpg)
პარლამენტის წინ მიმდინარე აქციაზე პოლიტიკური ლიდერების გამოსვლები დაიწყო.
„ერთიანი ნაციონალური მოძრაობის“ ლიდერმა გრიგოლ ვაშაძემ აქციის მონაწილეებს უთხრა, ამ ღამით გამოჩნდება, რისი გამკეთებლები ვართო.
„არსად არ ვიშლებით და ვისაც ერთი ადგილი აქვს, ვიწყებთ პარლამენტის პიკეტირებას. რადგან ამ ორგანომ დაკარგა ლეგიტიმაცია. როცა საქართველოს მოქალაქეებს გვეუბნებიან, ყველა ფეხებზე მკიდიხართო, ამ დროს ყველა კანონიერი ბერკეტი უნდა გამოვიყენოთ, რომ საქართველო დავუბრუნოთ მის მოქალქეებს. „ქართულ ოცნებას“ კი ვეტყვი, რომ დაჯექით და დაიწყეთ „ნიურნბერგის პროცესის“ ყურება“.
გრიგოლ ვაშაძის განცხადებით, უცვლელია მოთხოვნები, რამაც აქციის მონაწილეები რუსთაველის გამზირზე გამოიყვანა:
„კრიმინალური მთავრობა უნდა გადადგეს და მოვიდეს ხალხის ნდობით აღჭურვილი დროებითი მთავრობა. ხომ გინდათ?
ახალი წესით დაკომპლექტებული ცესკო! ხომ გინდათ?
პოლიტპატირების გათავისუფლება ხომ გინდათ?
ვაჟა გაფრინდაშვილის რუსი ნაცისტების ტყვებიდან გათავისუფლება ხო გინდათ? მაშინ ჩვენი მიზანია ყველა მოქალაქეს მინუს „ქართული ოცნება“ და მთელ საქართველოს მინუს „ქართული ოცნება“.
„ნაციონალური მოძრაობის“ ლიდერმა პოლიციელებს მიმართა და მოუწოდა, არ გაიმეორონ „გავრილოვის ღამე“.