მხარდამჭერები სამეგრელოდან “პატრიოტთა ალიანსის” აქციასაც შეუერთდებიან
„პატრიოტთა ალიანსის“ ფოთის ორგანიზაციის წარმომადგენლის, ნანა გადელიას განცხადებით, სამეგრელოდან 40 მიკროავტობუსით გაემგზავრნენ მათი მხარდამჭერები თბილისში. მისი სიტყვებით, „პატრიოტთა ალიანსი“ არ უერთდება არცერთ პოლიტიკურ პარტიას, ის თავად, დამოუკიდებლად მართავს აქციას, სადაც კიდევ ერთხელ დააფიქსირებენ თავიანთ ხედვას ქვეყნის განვითარებასა და მთლიანობის აღდგენასთან დაკავშირებით.
„პატრიოტთა ალიანსის“ მხარდამჭერების თქმით, საპროტესტო აქციაზე დარჩებიან, სანამ ხელისუფლება არ შეასრულებს დანაპირებს პროპორციულ საარჩევნო სისტემაზე გადასვლასთან დაკავშირებით. მანამდე, „ერთიანი ნაციონალური მოძრაობის“ წევრები და მხარდამჭერები გაემგზავრნენ თბილისში, რუსთაველის გამზირზე მიმდინარე აქციაში მონაწილეობის მისაღებად.