"თურქეთის ვიწრო მიზანს თუ გავითვალისწინებთ - შეასუსტოს ამერიკელების მიერ გაწვრთნილი ქურთი მებრძოლები, ის ამ მიზანს აღწევს"
22 ოქტომბერს, სირიის დროით 20:00 საათზე იწურება ცეცხლის შეჩერების ხუთდღიანი ვადა, რომელსაც დათანხმდა თურქეთი იმ პირობით, რომ სირიის ჩრდილოეთს დატოვებენ ქურთი მეომრები, რომლებსაც თურქეთი ტერორისტებს უწოდებს. ცეცხლის შეჩერებაზე შეთანხმებაზე მოლაპარაკებებში შუამავალი შეერთებული შტატებია.