კატალონიაში საპროტესტო აქციების დროს 70 ადამიანი დაშავდა, პოლიციამ 50 აქტივისტი დააკავა
კატალონიაში ღამით გამართული საპროტესტო აქციების დროს 70 ადამიანი დაშავდა, პოლიციამ 50 აქტივისტი დააკავა არეულობებში მონაწილეობისთვის. ბარსელონისა და სხვა ქალაქების მოსახლეობა კვლავ გავიდა ქუჩებში, რათა გამოხატოს უკმაყოფილება კატალონიის დამოუკიდებლობის მოძრაობის ლიდერთა დაპატიმრებების მიმართ. ესპანეთის სასამართლომ ცხრა ადამიანს მიუსაჯა 9-დან 13 წლამდე პატიმრობა ესპანეთიდან რეგიონის გამოყოფის კამპანიის ორგანიზებისთვის.
წუხანდელ საპროტესტო აქციებში 40 ათასმა ადამიანმა მიიღო მონაწილეობა. მანამდე დემონსტრანტებმა გადაკეტეს ბარსელონის აეროპორტ ელ-პრატისკენ მიმავალი გზა, რის გამოც ასობით რეისი გადაიდო.