მტკვარმა მამაკაცის გვამი გამორიყა
საგანგებო სიტუაციების მართვის სამსახურის ინფორმაციით, 18 აგვისტოს, დილით, მტკვარმა მამაკაცის გვამი გამორიყა.
უწყების ცნობით, 35 წლის მამაკაცი რუსთავში ორი დღის წინ გაუჩინარდა და მას ამ ხნის განმავლობაში მაშველები ეძებდნენ.
"მდინარე მტკვარზე საძიებო-სამაშველო ოპერაცია ორი დღის განმავლობაში მიმდინარეობდა. ღამის განმავლობაში ხდებოდა მდინარის კალაპოტის მონიტორინგი, დღისით დაკარგულ მამაკაცს მყვინთავები ეძებდნენ. დილით ცხედარი მტკვარმა გამორიყა და მაშველებმა წყლიდან 35 წლის მამაკაცის ცხედარი ამოიყვანეს," - ნათქვამია საგანგებო სიტუაციების მართვის სამსახურის მიერ გავრცელებულ განცხადებაში.