ირანის საგარეო საქმეთა მინისტრი გაეროში აკრიტიკებს აშშ-ის პოლიტიკას
ირანის საგარეო საქმეთა მინისტრის, ჯავად ზარიფის განცხადებით, აშშ "ეკონომიკურ ტერორიზმს" აწარმოებს, სანქციების დაწესების გზით და მან საკუთარ თავს ავნო საერთაშორისო ძალების მიერ 2015 წელს ირანთან გაფორმებული ატომური ხელშეკრულებიდან გამოსვლით.
17 მაისს, გაეროში გამოსვლისას ჯარიფმა ასევე თქვა, რომ პრეზიდენტ დონალდ ტრამპის მიერ ცალმხრივად დაწესებული სანქციები "განზრახ იღებს მიზანში უდანაშაულო სამოქალაქო პირებს, არალეგიტიმური პოლიტიკური მიზნების მისაღწევად". ამასთან, ტელეკომპანია ბლუმბერგთან საუბარში ზარიფმა თქვა, რომ დაძაბულობის განმუხტვაზე პასუხისმგებლობა ტრამპს ეკისრება. ზარიფი წინააღმდეგობით შეხვდა ბირთვული ხელშეკრულების შესახებ ხელახალი მოლაპარაკების იდეას - "ერთ ცხენს ორჯერ ვერ იყიდიო", უთხრა მან ბლუმბერგს.
2018 წელს, მრაველეროვნული ხელშეკრულებიდან გასვლის შემდეგ აშშ-მა ფართომასშტაბიანი შემზღუდველი ზომები შემოიღო და ცდილობს ირანის ნავთობის ექსპორტი ნულამდე დავიდეს - რასაც მძიმე შედეგები აქვს ირანის ეკონომიკისთვის.
2015 წლის ხელშეკრულებამ ირანს სანქციები მოუხსნა, მისი ბირთვული პროგრამის შეზღუდვის სანაცვლოდ.