ქუცნაშვილის თქმით, შეცდომა შესაძლოა, ის იყო, რომ სხდომა ბერძენი დეპუტატის ნაცვლად რუსმა წაიყვანა
ზაქარია ქუცნაშვილი ფიქრობს, რომ შესაძლოა, შეცდომა ყოფილიყო ის,რომ ბერძენი დეპუტატის ნაცვლად ასამბლეის სხდომა პარლამენტში რუსმა დეპუტატმა წაიყვანა.
თუმცა, ზაქარია ქუცნაშვილი ამბობს, რომ მისი აზრით, საქართველომ ყველანაირი ასამბლეა და ფორუმი ეროვნული ინტერესების დასაცავად უნდა გამოიყენოს.
“მმართველი გუნდი ეძებს პასუხიმგებელ პირს თქვენ ხომ არ ხართ?” – ამ კითხვაზე ზაქარია ქუცნაშვილმა განაცხადა, რომ თუ საჭირო გახდა, ის მომხდარზე პასუხისმგებლობას აიღებს.
“თუ საჭიროა ვიქნები, მე. დარწმუნებული ვარ საერთაშორისო ასამბლეები უნდა გამოვიყენოთ ეროვნული ინტერესების დაცვისთვის. ეს არის ჩემი პრინციპული პოზიცია, რომ ჩვენ სხვა ინსტრუმენტები, გარდა საერთაშორისო დიპლომატიისა არ გვაქვს.
რაც შეეხება ფორმას, ანუ ასამბლეის გამართვის ადგილს და ის, რომ სხდომა წაიყვანა არა ბერძენმა გენერალურმა მდივანმა, არამედ რუსმა დეპუტატმა, შეიძლება შეცდომა აქ იყო დაშვებული,” – განაცხადა ქუცნაშვილმა.