გურამ ფალავანდიშვილი დააკავეს
შინაგან საქმეთა სამინისტროს თანახმად, "სახალხო ლეგიონის" შექმნის ერთ-ერთი ორგანიზატორი გურამ ფალავანდიშვილი პოლიციისადმი წინააღმდეგობის გაწევის გამო დააკავეს.
სამინისტრო განმარტავს, რომ უკანონო ფორმირების შექმნის, ხელმძღვანელობის და მასში გაწევრიანების ფაქტებზე დაწყებული გამოძიების ფარგლებში პოლიცია გურამ ფალავანდიშვილთან გამოკითხვაზე დაბარების მიზნით უწყების ჩასაბარებლად მივიდა.
ფალავანდიშვილმა სამართალდამცველებს წინააღმდეგობა გაუწია და სიტყვიერი შეურაცხყოფა მიაყენა. პოლიციამ იგი ადმინისტრაციულ სამართალდარღვევათა კოდექსის 173-ე მუხლით დააკავა, რაც პოლიციელის კანონიერი მოთხოვნისადმი დაუმორჩილებლობას გულისხმობს.